22 mamyr kúni Qazaqstannyń 16 oblysynda aýa raıyna baılanysty eskertý jarııalandy. Eldiń basym bóliginde jańbyr, naızaǵaı, qatty jel, burshaq, shańdy daýyl jáne úsik bolady dep boljanǵan. Keı jerlerde qar aralas jańbyr jaýýy múmkin, dep habarlaıdy Egemen.kz «Qazgıdrometke» silteme jasap.
Astanada túnde topyraq betinde 2 gradýsqa deıin úsik júredi. Almatyda jańbyr men naızaǵaı kútiledi, túnde keı ýaqytta qatty jańbyr jaýady. Jeldiń ekpini sekýndyna 15-18 metrge deıin jetedi.
Abaı, Shyǵys Qazaqstan, Pavlodar, Qostanaı, Aqmola jáne Qaraǵandy oblystarynda tuman túsip, túnde úsik bolýy múmkin. Keı óńirlerde qar aralas jańbyr jaýady. Jel kúsheıip, ekpini 23-28 m/s-qa deıin barady.
Almaty, Jambyl jáne Jetisý oblystarynyń taýly aımaqtarynda qatty jańbyr, naızaǵaı, burshaq pen daýyl kútiledi. Keı jerlerde jel óte qatty soǵady.
Aqtóbe, Atyraý, Batys Qazaqstan, Qyzylorda jáne Mańǵystaý oblystarynda shańdy daýyl bolýy yqtımal. Sonymen qatar kóptegen óńirde joǵary jáne tótenshe órt qaýpi saqtalady.
Sınoptıkter jaz mezgili ystyq bolatynyn, biraq jaýyn-shashyn jıi túsetinin habarlady.