QR IIM nusqaýyna sáıkes qala aýmaǵynda «Quqyqtyq tártip» jedel profılaktıkalyq sharasy jalǵasýda, dep habarlaıdy Egemen.kz.
Qala aýmaǵyna kelgen sheteldikterdiń kóshi-qon zańnamalaryn buzý derekterin anyqtaý, ákimshilik jaýapkershilikke tartý, izdeýde júrgen qylmyskerlerdi tabý maqsatyndaǵy shara aıasynda 55 zań buzýshylyq deregi anyqtaldy.
QR ÁQBtK-niń 449-baby 3-bóligimen (Sheteldiktiń nemese azamattyǵy joq adamnyń qoǵamdyq oryndarda zattardy ózgeshe tásilmen satý nemese qaıyrshylyq sıpatta qyzmetter kórsetý) О́zbekstan Respýblıkasynyń 1 azamatyna shara qoldanyp, el aýmaǵynan shyǵaryldy. ÁQBtK-niń 517-baby 3,4,5,7 bóligimen (Sheteldiktiń nemese azamattyǵy joq adamnyń QR halyqtyń kóshi-qon salasyndaǵy zańnamasyn buzýy) О́zbekstan Respýblıkasynyń 35 azamatyna shara qoldanyldy.
Sonymen birge sheteldikterdi jáne azamattyǵy joq adamadardy qabyldaý kezinde kóshi-qon salasyndaǵy zańnamany buzǵan jergilikti turǵyndarǵa eskertý jasalyp, 3 azamatqa aıyppul salyndy.