Tennısshilerdiń álemdik reıtıngi qaıta jańartyldy. Qazirgi kezde «TOP-100» oıynshynyń qatarynda Qazaqstannyń úsh ókili bar.
Otandastarymyzdyń arasynda eń úzdik kórsetkish Elena Rybakınaǵa tıesili. Sońǵy kezderi óreli ónerimen kózge túsip júrgen ol bul kúnderi WTA tiziminde 12-oryndy ıelenýde. Rybakınaǵa deıin Qazaqstannyń birde-bir tennısshisi dál osyndaı bıikke kóterilgen joq edi. Iýlııa Pýtınseva 41-oryndy enshilese, Zarına Dıas 117-satyǵa turaqtady. Áıelder arasynda áli de Aýstralııanyń arýy Eshlı Bartı aldyna jan salar emes. Ekinshi orynda – belorýssııalyq Arına Sobolenko. Chehııanyń qos juldyzy – Barbora Kreıchıkova men Karolına Plıshkova úshinshi jáne tórtinshi oryndardy ózara bólisti. Úzdik bestikti ıspanııalyq Paýla Badosa túıindep tur.
Monpeledegi jarystaǵy jeńisinen keıin Aleksandr Býblık tórt satyǵa joǵarylap, qazirgi kezde 31-oryndy ıelenýde. Bul – qazaqstandyq oıynshylar arasyndaǵy eń úzdik nátıje. О́kinishke qaraı, ózge jerlesterimizdiń kórsetkishine kóńil tolmaıdy. Elimizdiń ekinshi raketkasy Mıhaıl Kýkýshkın nebári 165-orynda qanaǵat tutýda.