23 aqpanda Reseıdiń Ekaterınbýrg qalasynda aralas jekpe-jekten Russian Cagefighting Championship (RCC) Intro 19 dep atalatyn asa iri halyqaralyq týrnır ótedi.
Atalǵan jarysta Reseıdiń týy astynda Ilııas Hamzın esimdi qazaqtyń uly óner kórsetedi. 30 jastaǵy qandasymyz Ombyda dúnıege kelgen. Áý basta kıkboks jáne taı boksymen shuǵyldandy. Sporttyń bul túrinen Reseı chempıonatynyń kúmis júldegeri atanyp, el kýbogyn oljalady. Birqatar halyqaralyq jarysta oljaǵa keneldi. 2018 jyldan beri ol aralas jekpe-jekke den qoıdy. Sol kezden beri jartylaı orta salmaqta 10 kezdesý ótkizip, sonyń segizinde jeńiske jetti. Bes básekede aıqyn basymdyq tanytty. Aldaǵy aıqasqa ol Taılandtaǵy áıgili Tiger Muay Thai mektebinde Damır Ismaǵulov, Iаroslav Amosov, Hamzat Chımaev, Rafael Fızıev jáne taǵy basqa ataqty sportshylarmen birge daıarlandy.
Ekaterınbýrgte Ilııas Hamzın Lýan Santıagomen kúsh synasady. 27 jastaǵy Brazılııanyń ókili oktagonǵa 21 márte kóterilip, 16 jekpe-jekti óz paıdasyna sheshken.