Álem Qazaqstan basshysynyń qarýsyzdanýǵa qosqan úlesi týraly
Pan Gı MÝN, BUU Bas hatshysy:
– 1991 jyly Qazaqstan Respýblıkasy Prezıdenti Nursultan Nazarbaev Semeı ıadrolyq synaq polıgonyn jaýyp jáne Qazaqstannyń ıadrolyq qarýdan bas tartýy jóninde sheshim qabyldap, sózsiz kóshbasshylyq qadam jasady. Bul qadam erekshe kóregendikti pash etken, shyn maǵynasyndaǵy táýelsizdik Deklarasııasy boldy. Búginde burynǵy polıgon qarýsyzdaný sımvolyna jáne bolashaqtyń úmitine aınaldy. Naq osy jerde Ortalyq Azııada ıadrolyq qarýdan azat aımaq qurý týraly shartqa qol qoıyldy. Búgin biz naq osy jerde negizi qalanǵan álemdi ıadrolyq qarýdan tazartý jáne qutqarý jónindegi úmitimizdiń naqty is júzine asatynyna senimimiz mol.
Men Qazaqstan kóshbasshylyǵynyń úlgisin joǵary baǵalaımyn. Iаdrolyq synaq alańyn jabý jáne ıadrolyq qarýdan bas tartý arqyly sizder búkil álemge úlgi boldyńyzdar. Bolashaqta ıadrolyq jarylys dúmpýi bolmaıtyndyǵyna senim artamyz.
Mark Peren de BRIShAMBO, EQYU Bas hatshysy:
– Qazaqstan Prezıdenti Ortalyq Azııadaǵy turaqtylyqty qamtamasyz etýde erekshe ról atqardy jáne jahandyq qaýipsizdikti kúsheıtý júıesine mańyzdy úles qosty. Onyń dana saıasatynyń arqasynda Qazaqstan álemdik qoǵamdastyqtyń jańa qurmetti múshesine aınaldy. Respýblıkanyń búgingi tabystary basqalar úshin úlgi.
Djon BARROÝ, AQSh kongressmeni:
– Qazaqstan halyqaralyq qaýipsizdikti nyǵaıtýdyń eleýli faktory bolyp tabylatyn ıadrolyq qarýdy taratpaýǵa asa zor jáne balamasyz úles qosty. Qazaqstannyń qol jetkizgen jetistikteri jáne Prezıdent Nursultan Nazarbaevtyń sonaý bir táýelsizdiktiń alǵashqy tańy atqan kezde halqyna bergen ýádesiniń is júzine asyrylý faktisi qazaqstandyq basshynyń sózinde turatyn tulǵa ekendigine dálel bolady.
Djordj RADANOVICh, AQSh kongressmeni:
– Men Qazaqstan Prezıdenti Nursultan Nazarbaevtyń erligine jáne kóshbasshylyǵyna sheksiz rızalyqpen qol soǵamyn. Búgin biz Qazaqstan lıderiniń qýaty jaǵynan álemdegi tórtinshi oryndy alatyn ajal qarýynan bas tartý jónindegi sheshiminiń tek adamzattyń múddesi úshin ǵana qabyldanǵan sheshim emes, sonymen birge, ol búkil tarıh qozǵalysyn ózgertken sheshim bolǵandyǵyn zor senimmen málimdeı alamyz. Búgin bizdiń elderimizdiń ıadrolyq qarýdy taratpaý qozǵalysyndaǵy jetistikterin ǵana emes, Qurama Shtattar men Qazaqstan arasyndaǵy iri strategııalyq seriktestik qatynastaryn atap kórsetemiz.
Qazaqstan ıadrolyq qarýdy taratpaý úderisiniń sheshýshi qatysýshysy jáne jan-jaqty moıyndalǵan kóshbasshysy, ol óziniń osy qadamy úshin qandaı maqtaýǵa da laıyq. Biz Prezıdent Nursultan Nazarbaevtyń basshylyǵymen bul eldiń aldaǵy ýaqytta da óziniń kóshbasshylyǵyn nyǵaıta beretindigine senemiz. Qazaqstan ıadrolyq qarýdy taratpaý salasyndaǵy óziniń halyqaralyq mindettemelerin buljytpaı ustaıdy jáne Qurama Shtattarmen yntymaqtastyq baılanysyn odan ári keńeıtýge daıyn.
Qazaqstannyń serpindi damýynyń odan ári jalǵasýy – búkil Ortalyq Azııadaǵy turaqtylyq pen órkendeýdiń kepili. Prezıdent Nursultan Nazarbaev óziniń elin saıası jáne ekonomıkalyq reformalar jasaýda talassyz kóshbasshylyqqa jetkizgeni úshin qandaı da bolmasyn qurmet pen marapatqa laıyq.
Pıter EDIGER, «Zorlyq-zombylyqsyz álem» qozǵalysynyń úılestirýshisi:
– Qazaqstan – búkil álem úshin úlgi bola alatyn el. Qazaqstan Prezıdenti Nursultan Nazarbaev buǵan deıingi tarıhta eshkim barmaǵan qadam jasady. Ol halqyna úlken qaıǵy-qasiret ákelgen ıadrolyq polıgondy japty. Bul barlyq «Iаdrolyq klýb» músheleri úshin orasan zor úlgi ǵana emes, naǵyz erlikke toly batyl qadam bolyp tabylady. О́z tarapymnan: alǵashqylar qatarynda bolýǵa qoryqpańyzdar, ıadrolyq ambısııalaryńyzdan bas tartyńyzdar degim keledi. О́ıtkeni, ıadrolyq synaqtardan sol eldiń halqy ǵana emes, tabıǵaty da orasan zor zardap shegedi. Adam bolyp qalýdyń ne ekeni týraly oılanǵan jón.
Endrıý BEIKER, Ravvın, EQYU-nyń antısemıtızmmen kúres jónindegi ókili:
– Biz Prezıdent Nursultan Nazarbaevqa turaqtylyq pen qaýipsizdikti nyǵaıtýǵa qosqan orasan zor úlesi úshin shyn júregimizden shyqqan rızashylyǵymyzdy bildiremiz. Sonymen qatar, Qazaqstannyń beıbitshilik pen kelisimde túrli ulttar men ulystardyń jáne dinı konfessııalardyń ókilderi ómir súrip jatqan el ekenin atap ótýimiz kerek. Qazaqstandyq modeldi búkil álemde paıdalanýǵa bolatyn úlgi dep esepteımin.
Djek STRO, Ulybrıtanııanyń burynǵy syrtqy ister mınıstri:
Qazaqstan jáne N.Nazarbaevtyń jeke óz basy beıbitshilikti nyǵaıtýǵa ólsheýsiz úles qosty. Qazaqstannyń úlgisimen birneshe memleket ıadrolyq qarýdan óz erikterimen bas tartty. Meniń oıymsha, búkil álem Qazaqstanǵa «rahmet» aıtýǵa tıis.
Qazaqstan táýelsizdik alǵan jyldar ishinde zor damý belesterinen ótti. Bul rette halyqtyń ál-aýqatynyń jaqsarýy ómir deńgeıiniń artýy ǵana mańyzdy bolyp qana qoıǵan joq. Sol sııaqty ekonomıkalyq ınstıtýttardyń damýy da erekshe mańyzǵa ıe boldy.
Dıptı ChOÝBI, Karnegı qorynyń ıadrolyq qarýdy taratpaý máseleleri boıynsha sarapshysy:
– Birikken Ulttar Uıymynyń Bas hatshysy Pan Gı Mýn Qazaqstan Prezıdenti Nursultan Nazarbaevtyń taratpaý salasyndaǵy eńbegin jeke-dara atap ótti. Qazaqstannyń úlgisi búginde barshamyz úshin asa mańyzdy. Qazaqstan basshylyǵynyń saıasaty bizderdi shyn máninde tań qaldyrady. Qazaqstan – bul AQSh-tyń taratpaý salasyndaǵy senimdi seriktesi.
Entonı FALEOMAVAEGA, AQSh kongresi ókilder palatasynyń múshesi:
– Qazaqstanǵa, batysshyl baǵyt ustaǵan jas jáne bolashaǵy úlken memleketke, onyń gúldengen jáne damyǵan demokratııalyq qoǵam qurý jónindegi kúsh-jigerine qoldaý kórsetetin ýaqyt jetti.
Biz úshin álemde berik te senimdi odaqtastar tabý óte mańyzdy.
Qazaqstan naq osyndaı odaqtas bolyp tabylady. Biz Qazaqstannyń halyqaralyq máseledegi jaýapkershiligi joǵary qadamdarynyń tarıhy jóninde keńinen nasıhattaýymyz kerek. Onyń búgingi tańdaǵy eń ótkir halyqaralyq problemalardy sheshý úshin erekshe mańyzy bar.
(Kongressmenniń 2003 jylǵy 19 maýsymda jasaǵan málimdemesinen)
Prezıdent N.Nazarbaevtyń, senatorlar R.Lýgara jáne S.Nannyń tarıhı eńbekterin adamzattyń laıyqty baǵalaýynyń bir kórinisi olarǵa beıbitshiliktiń Nobel syılyǵyn berý bolyp tabylar edi. Men olardyń eńbegi úshin berilgen osyndaı baǵanyń ıadrolyq qaýipti tómendetetindigine jáne jahandyq qaýipsizdikti nyǵaıtatyndyǵyna senemin jáne bul usynystyń jan-jaqty qaralatynyna úmit artamyn.
(Kongressmenniń 2003 jylǵy 24 jeltoqsanda jasaǵan málimdemesinen).