Lebron Djeımstiń jańa rekordy

Atalǵan kezdesýde Lebron Djeıms 26 upaı aldy. О́z ko­mandasynyń jeńiske jetýi úshin bul jetkiliksiz bolǵanymen, onyń esimi tarıhta qaldy. О́ıtkeni osyǵan deıin UBQ tarıhynda eń kóp upaı oljalaǵan Kárim Abdýl-Djabbar edi. Iá, 1969-1989 jyldar aralyǵynda «Mılýokı Baks» pen «Los-Andjeles Leıkerstiń» sapynda jasyndaı jarqyldaǵan dańqty basketbolshynyń esi­min jankúıerlerdiń umyta qoı­maǵany anyq. Sporttyń bul tú­rinde tolaǵaı tabystarǵa jetken ol UBQ-da óner kórsetken 20 jyl ýaqyt aralyǵynda 44 149 upaı jınady. Mine, ótken aptada sol rekord buzyldy. Djabbardyń rekordyn Djeıms jańartty. 37 jastaǵy «Los-Andjeles Leı­kerstiń» shabýylshysy 44 157 upaı­ǵa ıelik etip, orasan zor kórsetkishimen Jer-jahan jankúıerlerin tamsandyrdy.

Lebron Djeıms 1984 jyldyń 30 jeltoqsanynda AQSh-tyń Ogaıo shtatyna qarasty Akron qalasynda dúnıege keldi. Onyń boıy – 207 santımetr, salmaǵy – 113 kılo. Kezinde Lebron «Klıv­lend Kavalers» (2003-2010, 2014-2018) pen «Maıamı Hıt» (2010-2014) klýbtarynda oınady. Bul kúnderi «Los-Andjeles Leıkerstiń» namysyn qorǵaýda. Eki dúrkin Olımpıada chempıony atanyp, UBQ birinshiligin tórt ret utty. San márte eń qundy jáne eń kóp upaı jınaǵan oıynshylarǵa tıesili arnaıy syılyqtardy ıe­lendi. Djeımstiń basqa da tolyp jatqan ataqtary bar.

Sondaı-aq UBQ-da eń kóp upaı oljalaǵan «TOP-10» oıyn­­shynyń tiziminde Karl Meloýn, Kobı Braıant, Maıkl Djordan, Dırk Novıskı, Ýılt Chem­berlen, Shakıl O’Nıl, Kar­melo Entonı jáne Mozes Melloýn syndy attary ańyzǵa aı­nalǵan azamattar bar. Biraq osy 10 basketbolshynyń se­gizi sporttan áldeqashan qol úzgen. Olardyń barlyǵynyń da esimi álemdik sport tarıhynda altyn áriptermen jazýly. Al 41 jas­taǵy Kobı Braıant 2020 jyly áýe apatynan qaza tapty. Sol sebepti de aldaǵy 10-15 jyl ara­ly­ǵynda Lebron Djeımstiń rekor­dyn eshkim buza almaıdy dep nyq senimmen aıtýǵa bolady.