Qarjylyq monıtorıng agenttigi aýdıtorlyq uıymdardyń qyzmetine kúmán keltiredi, dep habarlaıdy Egemen.kz agenttiktiń baspasóz qyzmetine silteme jasap.
Baspasóz qyzmetiniń habarlaýynsha, aýdıtorlyq uıymdar óz qyzmetterin kórsete otyryp, klıentterdiń jumysyndaǵy olqylyqty anyqtaý úshin olardyń qarjy qyzmetin tekseredi, salyq salý, kásiporynnyń esep saıasaty jáne basqa da máseleler boıynsha keńes beredi.
Sonymen qatar olar kóleńkeli shemalardyń, atap aıtqanda salyq salýdan jaltarý, bıýdjet qarajatyn jymqyrý, aqsha qarajatyn zańsyz shyǵarý jáne offshorǵa aýdarý sııaqty nemese ózge de belgilerin ýaqtyly anyqtaı alady.
Osyǵan baılanysty aýdıtorlyq uıymdar qarjy monıtorıngi sýbektileriniń tizbesine engizilgen, olarǵa Kiristerdi jylystatýǵa jáne terrorızmdi qarjylandyrýǵa qarsy is-qımyl týraly zańnyń barlyq talaby qoldanylady. Qazaqstanda 484 aýdıtorlyq uıym jumys isteıdi, onyń ishinde 418-i ǵana Qarjylyq monıtorıng agenttiginiń qarjy operasııalary týraly derekter jınaý júıesinde tirkelgen.
Agenttiktiń derekter jınaý júıesinde tirkelgenderdiń ishinen az ǵana bóligi shekti jáne kúdikti operasııalar týraly habarlama jiberedi. Agenttik óz kezeginde joǵaryda kórsetilgen málimetti keıinnen tekserý jáne qajetti sharalar qabyldaý úshin aýdıtorlyq uıymdardyń retteýshisi – Ishki memlekettik aýdıt komıtetine jiberedi.
Tekserý qorytyndysy boıynsha Kiristerdi jylystatýǵa jáne terrorızmdi qarjylandyrýǵa qarsy is-qımyl týraly zańnyń talaptaryn saqtamaý faktilerin anyqtaý osyndaı aýdıtorlyq kompanııalardyń iskerlik bedeline zor nusqan keltiredi.
«Agenttik krımınaldy aqshany zańdastyrýǵa qarsy is-qımyl jasaýda aýdıtorlyq uıymdarmen dıalog qurýǵa daıyn.
Aýdıtorlar yntymaqtastyq, zańnama jáne basqa da máseleler boıynsha suraqtar týyndaǵan jaǵdaıda aýdıtorlyq uıymdarmen ózara is-qımyl jasaý jónindegi kýrator Aıjan Maratovaǵa 8 776 009 49 40 nómiri arqyly árdaıym ótinish bildire alady», delingen agenttik taratqan aqparatta.