Qazaqstandyq «NOMAD» velosıpedi Shveısarııa dúkenderinde satylady

О́z elimizde óndirilgen ónim­der ózge elderdiń taýarlarymen ıyq tirestire satylyp, saýda­sy júrip tursa deıtin ıgi maqsat birden oryndalmasa da, birtindep júzege asatyny anyq. Qazirdiń ózinde qazaqtyń makarony men qamyry, kámpıtteri Reseı men Qytaı sórelerinen tabylýda. Sol sııaqty aldaǵy kúnderi Qazaqstanda óndiriletin velosı­pedter Shveısarııanyń nary­ǵynda satylymǵa túsetin bolady. Bul týraly osy kelisimge uıyt­qy bolǵan «KAZNEX INVEST» eksport jáne ınvestısııalar ulttyq agenttigi qýana málimdep otyr. Otandyq «NOMAD» brendi bar almatylyq «MERIDA-KZ» kom­panııasy qos dóńgelekti kólik­­terdiń synamalyq partııa­syn Sanleje qalasyna attandyrdy. Nátıjesinde «KAZNEX INVEST» qoldaýymen atalmysh kásiporyn «VELO-PASSION SARL» mamandandyrylǵan velo­dúkeni arqyly «NOMAD» velo­sıpedterin satýdy Shveı­sarııa aýmaǵynda ilgeriletý jáne damytý týraly kelisimge qol jetkizdi. Eýropalyq tarap ónimniń aldyn-ala tehnıka­lyq tekseris­terdiń nátıjeleri boıynsha «NOMAD» velosıpedteri artyqshylyǵy men qurastyrý sapasy turǵysynan eýropalyq naryqtyń talaptaryna sáıkes ekendigin rastady. «Nege Shveısarııa? Bul eldiń halqy 7,7 mıllıon adamdy quraıdy, sonymen qatar, velosıpedpen júrýshiler sany 4 mıllıonǵa jetedi! Bul – velosıpedter eli, bul – salamatty ómir salty. 1998 jyly Shveısarııada ulttyq velosıpedtik baǵyttar jelisi túrindegi «Veloland Schweiz» jobasy bastalǵan. Keıbir qalalarda qos dóńgelekti kólikti kepilzat berip, tegin jaldaýǵa bolatyn baǵdarlama jumys isteıdi. Sondyqtan biz úshin, óndirýshi retinde, Shveısarııanyń naryǵyna shyǵý ónimniń sapa deńgeıin kórsetý úshin jáne satylymnyń jańa deńgeıine shyǵý úshin óte jaqsy múmkindik bolyp tabylady», –  deıdi «MERIDA-KZ» dırektory Marat Aqynǵazıev. Velosıpedterdi shyǵaratyn Ortalyq Azııa elderiniń ishindegi jalǵyz qazaqstandyq óndirýshi úshin bul – eksportqa shyǵýdyń alǵashqy qadamdary bolyp tabylady. «KAZNEX INVEST» qoldaýymen taıaý shetelder, Reseıdiń, Tájikstannyń jáne Aýǵanstannyń naryqtaryn ıgerý aldaǵy josparda tur. «MERIDA-KZ» kompanııasy velosıpedter óndirisin 2007 jyly bastaǵan. Qos dóńgelekti kólikterdiń balalarǵa arnalǵan, qalalyq modelderinen bastap MTV-profı jáne VMH deńgeıine deıingi 28-den astam modelderin shyǵarady. Al «KAZNEX INVEST» eksport jáne ınves­tısııalar ulttyq agenttigi QR IJTM sheshimimen 2010 jylǵy 10 sáýirde «KAZNEX» eksportty damytý jáne ilgeriletý korporasııasy negizinde qurylǵan. О́z qyzmetin 2010-2014 jyldarǵa arnalǵan QR ÚIIDB júzege asyrý aıasynda atqarady. Bul shıkizattyq emes eksportty damytý jáne ilgeriletý júıesiniń ulttyq operatory, sondaı-aq sheteldik ınvestorlardy tartý jáne olarmen jumys boıynsha mamandandyrylǵan memlekettik kompanııa bolyp tabylady. «KAZNEX INVEST»respýblıkalyq bıýdjetten qarjylandyrylady jáne óz qyzmetterin aqysyz negizde kórsetedi. Aınash ESALI, «Egemen Qazaqstan». ALMATY.