20 aqpan kúni elordada jyl saıyn ótkiziletin «Burqasyn-2022» qysqy festıvali bastalady, dep habarlaıdy Egemen.kz elorda ákimdiginiń resmı saıtyna silteme jasap.
Atalǵan shara jyl saıynǵy qysqy festıvali baǵdarlamasy aıasynda sporttyń 10 túrinen ótedi, atap aıtqanda: shańǵy jarysy, gir tasyn kóterý, qol kúresi, belbeý kúresi, arqan tartys, pımaly hokkeı, qarmen nysanany dáldep atý, avtosport, motosport jáne qysqy fýtbol sekildi jarystar boıynsha ótedi.
Jarysqa qatysýǵa nıet bildirgen kez kelgen adam qatysa alady. Tirkeýden ótý kezinde jeke basyn kýálandyratyn qujat bolýy shart.
Shańǵy jarystaryna tirkelý jarys kestesine sáıkes 30 mınýt qalǵanda, ótetin orynda júrgiziledi.
Shańǵy jarysyna qatysýshylardyń starttyq nómirleri ár jas toby boıynsha sóreden 30 mınýt buryn beriledi.
Jarys sanıtarlyq normalar men qaýipsizdik tehnıkasyn saqtaı otyryp júrgiziledi.
Ár jas tobyndaǵy jeńimpazdar men júldegerler dıplomdarmen, medaldarmen jáne baǵaly syılyqtarmen marapattalady.
Qysqy festıval saǵat 11:00 de «Esil» ózeni, Amfıteatr janynda bastalady.