24-27 aqpan arlyǵynda Túrkııanyń Ystanbul qalasynda ótetin Iаshar Doǵýdy eske túsirýge arnalǵan halyqaralyq týrnırde Qazaqstannyń erkin kúresi sheberleri de óner kórsetedi.
Anadoly eline 30 balýan attandy. Solardyń aralarynda ár jyldary álem chempıonattarynda júlde alǵan Nurlan Bekjanov pen Nurqoja Qaıpanov bar. Nurlannyń 2016 jyly Býdapeshtte, al Nurqojanyń 2019 jyly Nur-Sultanda qanjyǵasy maılanǵan. Olardyń ekeýi de 74 kılo salmaqta synǵa túsip, kúmis medaldi ıelendi. Sol sekildi Amandyq Bakeev (70 kılo), Jiger Zakırov (79 kılo), Azamat Dáýletbekov (86 kılo), Ádilet Daýlymbaev (92 kılo), Baqdáýlet Álmentaı men Mamed Ibragımov (97 kılo), Iýsýp Batyrmýrzaev, Oleg Boltın jáne Álisher Erǵalı (125 kılo) syndy saqa sportshylarǵa da zor senim artylyp otyr. Daryndy jastar arasynan Adlan Asqarov (65 kılo) pen Talǵat Syrbazdy (75 kılo) bóle-jara ataýǵa bolady.
Esterińizge sala keteıik, Túrkııadaǵy týrnırdi grek-rım kúresi sheberleri bastaıdy. Ol komandanyń quramyn gazetimizdiń keshegi sanynda jarııaladyq. Odan keıin áıelder kúresi men erkin kúres ókilderi boz kilemge shyǵady.