Jambyl oblysynyń quqyq qorǵaý organdaryna jergilikti turǵyn habarlasyp, burynǵy áskerı polıgon aýmaǵynan snarıad tabylǵany týraly aıtqan, dep habarlaıdy Egemen.kz.
Jambyl oblystyq polısııa departamentiniń baspasóz qyzmetiniń habarlaýynsha, 22 aqpan kúni Baızaq aýdanynyń polısııa bólimine 29 jastaǵy turǵyn habarlasqan. Ol Aqjar aýylynan 15 shaqyrym jerdegi qumdy aýmaqta, burynǵy áskerı polıgon aýmaǵynda snarıad jatqanyn jetkizgen.
«Snarıad anyqtalǵan jerge tez arada polısııa departamenti men «Ońtústik» óńirlik qolbasshylyǵynyń 28349 áskerı bóliminiń saperleri jiberildi. Snarıad «OFAB-100» modeliniń jaryqshaqty-fýgasty áýe bombasy ekeni anyqtaldy», dep túsindirdi vedomstvodan.