Abaı atyndaǵy qazaq ulttyq pedagogıkalyq ýnıversıtetiniń jáne «Alataý» dástúrli óner teatrynyń uıymdastyrýymen «Meniń pirim – Súıinbaı» atty dástúrli VI respýblıkalyq jas aqyndar aıtysy ótedi, dep habarlaıdy Egemen.kz.
Elimizdiń barlyq joǵarǵy oqý oryndarynan elýge jýyq jas júırikter qatysatyn aıtysqa ASSYLTAS qoǵamdyq qorynyń quryltaıshysy Dýlat Tastekeev qarjylaı qoldaý kórsetýde.
Aıtystyń qurmetti qonaqtary: QR Eńbek sińirgen qaıratkeri, Aıtys aqyndary men jyrshy-termeshilerdiń Halyqaralyq odaǵynyń basqarma tóraǵasy Júrsin Erman, «Altyn dombyra» ıegeri Bekarys Shoıbekov, «Alataý» dástúrli óner teatrynyń dırektory, belgili aıtysker Rınat Zaıytov, «Aıtystyń aqtańgeri» Erkebulan Qaınazarov.
Sóz báıgesin aıtysker aqyn, O.Dosbosynov atyndaǵy aqyndar mektebiniń jetekshisi Shuǵaıyp Sezimhanuly júrgizedi.
«Meniń pirim – Súıinbaı» respýblıkalyq jas aqyndar aıtysynyń maqsaty – aıtys ónerin jastar arasynda keńinen nasıhattaý, aqyndyq dástúrdi jańǵyrtý, jas aqyndardyń sýyrypsalmalyq qabiletteri men sheshendik ónerin shyńdaý, olardyń kópshilikke tanylýyna múmkúndik jasaý jáne Ult ustazy, ult maqtanyshy Ahmet Baıtursynulynyń murasyn jas aqyndardyń jyryna arqaý etý.
Aıtystyń irikteý kezeńi: 2022 jyldyń 2 naýryzy kúni Abaı atyndaǵy QazUPÝ bas oqý ǵımaratynyń 225 konferensııa zalynda.
Aqtyq kezeńi: 2022 jyldyń 3 naýryzy kúni «Alataý» dástúrli óner teatry.
Eki kúnde de saǵat:11:00 de bastalady.
Aıana Toǵanbek