Keshe, 27 naýryz kúni Batys Qazaqstan oblysynyń Bókeıordasy aýdanyndaǵy Shońǵaı eldi mekeniniń ońtústik-shyǵys shetinen bir shaqyrym qashyqtyqta MR-30 kesheniniń MN-300 meteorologııalyq zymyrany qulady. Osy oqıǵa oryn alǵan jerden zymyran qaldyqtary tabylǵan. Bul týraly Qorǵanys mınıstrliginiń baspasóz qyzmeti habarlady.
2013 jylǵy 28 qarashada Qazaqstan men Reseı Federasııasy Qorǵanys mınıstrligi arasyndaǵy josparyna sáıkes synaq jumysyn júrgizý josparlanǵan bolatyn. Endi Reseı Qorǵanys mınıstriliginiń málimetine júginsek, synaq barysynda qozǵaltqysh qondyrǵysy isten shyǵyp, zymyran polıgon aýmaǵyna jetpeı qulaǵan. Zymyran qaldyqtarynan zardap shekkender joq.
Qazirgi kezde Qazaqstan Qorǵanys mınıstrligi oqıǵa saldary túpkilikti anyqtalǵansha, Reseıge jalǵa berilgen alańdarda synaq júrgizýdi ýaqytsha toqtatty.
Ámirhan Almaǵanbetov.
Derekkóz: Qorǵanys mınıstrliginiń baspasóz qyzmeti.
Foto: www. Inform.kz.