Keshe Iordanııanyń astanasy – Ammanda bokstan jasóspirimder men jastar arasyndaǵy Azııa birinshiligi aıaqtaldy.
Balǵyn bylǵary qolǵap sheberleriniń básekesinde jerlesterimiz alty ret jeńis tuǵyrynyń eń bıik satysyna kóterildi. Atap aıtsaq, Aıdar Qadyrhan (52 kılo), Tórehan Sabyrhan (57 kılo), Ahmet Úsen (63 kılo), Sanjar-Álı Begalıev (66 kılo), Arýjan Jańabaeva (66 kılo) jáne Quralaı Eginbaıqyzy (80 kılo) syndy uldar men qyzdar altyn medaldardy moıyndarynda jarqyratty. Jastar arasyndaǵy jarysta jeti bas júlde buıyrdy. Onyń ıegerleri – Tomırıs Myrzaqul (52 kılo), Vıktorııa Baıdýkova (54 kılo), Uljan Sársenbek (57 kılo), Baqyt Seıdish (66 kılo), Kamıla Bajbenova (81 kılo), Egor Egorov (71 kılo) jáne Temirlan Muqataev (86 kılo).
Jasóspirimder men jastar quramasynyń nátıjelerin qosa alǵanda, medaldar sany boıynsha Qazaqstan quramasynyń aldyna eshkim túse alǵan joq. Bizdiń órender 44 medalǵa ıelik etti. Onyń 13-i altyn, 14-i kúmis jáne 17-si qola. Desek te, jalpykomandalyq esepte úshinshi orynda qalyp qoıdyq. О́ıtkeni О́zbekstannyń qorjynynda 20 jáne Úndistannyń enshisinde 15 bas júlde bar.