IT baıqaýynyń qorytyndysy shyqty

Saıys Satbayev university-de oflaın formatta ótti. Jarysqa qa­tysýǵa elimizdiń barlyq óńiri­nen 107 komanda ótinish berdi. 230 stýdentten quralǵan 72 komanda fınalǵa joldama alǵan. Nátıjesinde, 15 stýdentten qu­ral­ǵan 4 komanda jeńimpaz atandy. Olar 3,5 mln teńgeni bólisti. Marapattaý rásimine qatysqan Bilim jáne ǵylym mınıstri Ashat Aımaǵambetov qatysýshylardyń usynǵan jobalary óte qyzyqty bolǵanyn jetkizdi.

«Qatysýshylar bilim berý salasynda óte qyzyqty sıfr­lyq jobalardy usyndy. Je­ńim­paz stýdentter aqshalaı syı­lyqtarmen qosa, baıqaýdy ótki­zý­ge qoldaý bildirgen Daryn online, BTS Education, EDUS jáne Mail.kz jáne basqa da qazaqstandyq IT-kompanııalarda jumysqa ornalasý múmkindigine ıe boldy. Sonymen qatar keıbir sıfrly sheshimder óz ınves­torlaryn taýyp úlgerdi», dedi A.Aımaǵambetov.

Mınıstrliktiń málimdeýinshe, qazylar alqasynyń sheshimimen Nazarbayev University jáne Astana IT University stýdentteri je­ńim­paz atandy. Olar ózara 1,5 mln teń­geni bólisti. Ekinshi oryndy Na­zarbaev ýnıversıtetiniń taǵy bir komandasy jeńip aldy. Olar 1 mln teńgeni jeńip aldy. Úshinshi oryn Ǵ.Dáýkeev atyndaǵy Almaty energetıka jáne baılanys ýnıversıtetiniń, Suleyman Demirel University jáne Astana IT University stýdentterinen qural­ǵan qos komandaǵa buıyrdy. Eki komandanyń árqaısysy 500 myń teńgeden syıaqy ıelendi.

BILIM Hackathon 2022 IT baıqaýynda úshinshi oryndy ıelengen Suleyman Demirel University stýdentteri jarysqa múm­kindigi shekteýli oqýshylar men stýdentterge arnalǵan joba­la­­ryn usyndy. 2-kýrs stýdenti Qajymuqan Reım­baev­tyń aı­týyn­sha, olar bul ıdeıany 24 saǵatta oılap tapqan.

«Jarysta usynǵan jobamyz múm­kindigi shekteýli jandarǵa ar­nalǵan. Mektep oqýshylary ar­naıy qolǵapty kıip, ym-ıshara arqyly oıyn jetkizedi. Biz oılap tapqan qurylǵy olardyń oıyn túsinikti tilge aınaldy­ryp beredi. Taǵy bir ıdeıamyz zaǵıp jandarǵa arnalǵan. Oqý­shylar men stýdentter úshin oqý­lyqtaǵy áripterdi Braıl shrı­fine aınaldyratyn qurylǵy men qosymsha oılap taptyq. Bul jobalardy oılap tabý úshin bizge 24 saǵat ýaqyt berildi. Ja­rysta 72 komandanyń ishinde III oryn alyp, 500 myń teńge utyp aldyq. Aldaǵy ýaqytta jo­ba­la­rymyzdy iske asyramyz», deı­di «Aqparattyq júıeler» ma­man­dy­ǵynyń stýdenti.

2022 jyldyń 26-27 naýryzynda ótken caıystyń jeńimpaz­da­ryn Bilim jáne ǵylym mı­nıstri Ashat Aımaǵambetov ma­rapattady. Baıqaý bilim men ǵylym sala­syn­­da jańa IT jobalardy jasaýǵa bas­tamashy bolý, IT mamandardy yntalandyrý maqsatynda uıymdastyryldy.