Májilistiń jaýapkershiligi artady

Ekinshisi – Ulytaý ob­ly­synyń qurylýy. Jezqaz­ǵan óńiriniń, Ulytaýdyń tarıhı ádilettilik ornatý tur­ǵysyndaǵy jalpy rýhanııat aldyndaǵy rólin ulyqtaýǵa qatysty qadamdy durys dep esep­teımin. Budan bólek, qazir­gi tańda halqymyzdyń áleýmet­tik problemalaryn sheshýde Almaty oblysyn Jetisý jáne Almaty oblysy dep ekige bólý – quptarlyq is.

Shynyn aıtsaq, osyndaı qadamdar arqyly áleýmettik ınfraqurylymdy jaqsartý­ǵa, sol jerlerde mekendegen hal­­qymyzdyń ómir sapasyn kóterýge qatysty naqty qadam­dar júzege asyrylady.

Májiliske qazirgi tańda 20 zań qabyldaý týraly naqty tap­syrma berildi. Bul – úl­ken jaýap­kershilikti is. Budan bólek, Májilistiń jalpy halyq aldyn­daǵy jaýapkershili­gin art­tyrý mehanızmderi en­gizil­di. Osyǵan baılanysty qazir Májiliste eki ret respýb­lı­kalyq bıýdjettiń oryndalýy týraly esep berilýi – res­pýb­lıkalyq bıýdjettiń jum­salýyn baqylaýda, halyqtyń muq­ta­jyna sáıkes sheshimderdi júzege asyrýda óte qajet mehanızm. Buǵan deıin bizde ondaı múmkindik bolǵan joq. Qujatty bir ret qana qabyldaıtyn­byz. Osylaısha, úsh jyldyń bıýdjetin bekitetin edik. Endi jylyna eki ret esep beredi. Bul, birinshiden, bıýdjetti naqty nysandarǵa bólýge múmkindik jasaıdy. Sonymen qatar shuǵyl tótenshe jaǵdaılar kezinde bıýdjetti ıkemdeýge jol ashady.

Taǵy bir másele, «Halyq únine qulaq asatyn memle­ket» tujyrymdamasyna sáıkes Májilis depýtattarynyń abyroıy men jaýapkershiligin arttyrý máselesi aıtyldy. Eli­miz­diń amandyǵyn, halqymyz­dyń, terrıtorııamyzdyń, mem­le­ket­tiligimizdiń tutasty­ǵyn saqtaýda birlese jumys isteýi­miz qajet. Sonymen qatar árbir sózimizge, isimizge jaýap­ker­shi­likpen qaraýymyz kerek. Al­daǵy ýaqytta depýtattar 20 zań jobasyn talqylap, olardy qa­byldaýǵa baılanysty tıimdi jumystar júrgizedi.

Juldyz SÚLEIMENOVA,

Májilis depýtaty