Akademıktiń jeke zattary mýzeıge tapsyryldy

Mazmundy is-sharaǵa ǵalym­nyń uly, fılosofııa ǵylym­darynyń doktory, akademık Nur Serikuly Qırabaev, alash­tanýshy ǵalym, akademık Dıhan Qamzabekuly, Ult­tyq mýzeıdiń bas ǵylymı qyzmetkeri, akademık Jáken Taımaǵambetov jáne t.b. zııaly qaýym ókilderi qatysty.

Is-shara barysynda Ulttyq mýzeı dırektorynyń orynbasary Abaı Satybaldın sanaly ǵumyryn qazaq ádebıet­taný ǵylymyna arnap, ult rýhanııatyna ólsheýsiz eńbek sińirgen ǵalymnyń eńbek joly men shyǵarmashylyǵyna toq­taldy. «Serik Qırabaev − otyz jyldan asa ýaqyt Abaı atyndaǵy Qazaq ult­tyq pe­dagogıkalyq ýnıversı­te­tinde qyzmet etti. Odan soń Muh­­tar Áýezov atyn­daǵy Áde­bıet jáne óner ınstıtý­tyn basqardy. Qazaq áde­bıe­tiniń tarıhy men teorııasy jó­nin­de súbeli eńbekter jazdy. Naq­tyraq aıtqanda, 40-tan asa monografııa, 800-den asa ádebıet syny teo­rııa­sy jóninde maz­mun­dy ma­qala jazyp, ádebıettaný ǵylymynyń damýyna zor úlesin qosty», dedi ol.

Sodan keıin sóz alǵan ar­daqty ǵalymnyń shákirti, akademık Dıhan Qamzabekuly Serik Qırabaevtyń ádebıet­ta­ný abyzy dárejesine jetken bire­geı tulǵa ekenin sóz etti.

− Ádebıet, mádenıet jáne bilim salasy mamandary úshin «akademık Qırabaev» atanǵan abzal azamattyń kemi alpys bes jyldan asatyn shyǵarmashylyq dáýiri ul­tymen birge jasap, halqy­nyń rýhanı taǵdyrymen birge órilip keledi desek, ja­ńy­lys­­paımyz. Ádebıet – ult­tyq má­denıettiń bir salasy. Onyń damýy ulttyń tilimen, dilimen, uǵym-túsinigimen, parasatymen, dúnıe­tanymymen tikeleı baı-l­a­nysty. Osynyń bári kór­kem týyn­dy arqyly kórinip, ha­lyqtyń sanasyna sińgen, onyń rýha­nı ómirin qalyptastyrǵan, − dedi ǵalym.

Nur Qıra­baev ákesi týraly jyly estelik­terimen bólisip, otbasylyq qorynan aka­demıktiń kózi tirisinde ózi tutynǵan jeke zat­taryn, orden-medaldaryn, kitap­taryn mýzeı qoryna tabys etti.