Elordada sý tasqyny qaýpi bar 25 ýchaske anyqtaldy. Oǵan jeke quramnan 169 adam, 99 birlik tehnıka, 34 motopompa jáne 2 qaıyq bekitilgen, dep habarlaıdy Egemen.kz qalalyq TJD tótenshe jaǵdaılardyń aldyn alý basqarmasyna silteme jasap.
Mundaı ýchaskeler Almaty aýdany boıynsha - jeti, Baıqońyr aýdany boıynsha - bes, Esil aýdany boıynsha - toǵyz, Saryarqa aýdany boıynsha - tórt.
B. Beısenhanovtyń aıtýynsha, sý tasqynyna azamattyq qorǵaý qyzmetteri daıyn, bul baǵyttaǵy jumys baqylaýǵa alynǵan. Onyń málimetinshe, 7300 dana qap, 10 myń tonnadan astam ınertti materıal, onyń ishinde 9,3 myń tonna usaq tas, 155 tonna qum, 500 tonna qum-tuz qospasy daıyndaldy.