AShM basshysy Prezıdentke elimizdiń agroónerkásiptik kesheniniń qazirgi jaǵdaıy men 2022 jylǵa arnalǵan mindetter, azyq-túlik qaýipsizdigin qamtamasyz etý, sondaı-aq salany reformalaý boıynsha qabyldanyp jatqan sharalar týraly baıandady, dep habarlaıdy Egemen.kz Aqordaǵa silteme jasap.
Erbol Qarashókeev Prezıdent júktegen tapsyrmalardyń oryndalý barysy týraly aıtty.
Atap aıtqanda, fermerlerdiń kóktemgi egis jumystaryn júrgizýge daıyndyǵy týraly habardar etti. Vedomstvo sharýalardyń janar-jaǵarmaı, tyńaıtqysh, tuqym qorlarymen qamtamasyz etilgenderin jáne tehnıkalardyń daıyndyǵyn qaıta tekserdi. Prezıdent osy baǵyttaǵy qarjylandyrý kólemin 2 ese ulǵaıtý týraly sheshim qabyldady. Mınıstrdiń aıtýynsha, qazirgi ýaqytta sharýashylyqtar kóktemgi egis naýqanyna tolyq daıyn.
Sonymen qatar Qasym-Jomart Toqaev agroónerkásiptik keshen jáne veterınarııa salasyn memlekettik qoldaý júıesin jetildirý, jeke qosalqy sharýashylyqtardy damytý úderisterimen tanysty.
Kezdesý sońynda Qasym-Jomart Toqaev azyq-túlik qaýipsizdigin qamtamasyz etý, otandyq taýarlardy jańa naryqtarǵa shyǵarý, agrarlyq ǵylymdy damytý, kóktemgi egisti sapaly júrgizý jóninde birqatar tapsyrma berdi. Sondaı-aq jerdi tıimdi paıdalaný úderisine jáne paıdalanylmaıtyn jerlerdi qaıtarýǵa baqylaýdy kúsheıtý qajettigin atap ótti.