“ShALQARDY” ShALQYTPAITYN NESI BAR?

Sáýir aıynda Májilis depýtaty Zeınolla Al­shymbaev Qazaqstan Res­pýblı­kasynyń Baılanys jáne aqparat mınıstri Asqar Jumaǵalıevtiń atyna saýal joldap, 40 jyldan astam ýaqyt boıy Qazaq­stannyń barlyq óńirine ǵana emes, Reseı, Qytaı, Mońǵolııa, О́zbek­stan, Qyr­ǵyzstan, Aýǵan­stan el­derinde turatyn qandas­tarymyzǵa da habar tara­typ, qazaqtyń án-jyryna bólep kelgen “Shalqar” radıosy qazir 18 saǵat boıy habar taratqanymen, elimiz­diń óz aýmaǵynyń 61,3 paıyzyn ǵana qamtıtynyna ókinish bildirgen bolatyn. О́z saýa­lynda ol naqty usynystar jasap, “Shal­qar­dyń” ýaqytyn 24 sa­ǵatqa jetkizýdi jáne ony baıaǵy kúshine engizip, atal­mysh elder aýmaqtaryna da taratý qajettiligin aıtqan edi. Osy saýalǵa A.Smaıyl, G.Seıit­maǵanbetova, B.Ti­leý­han, A.Momyshev sekildi depýtattar da qol qoıyp, usynysty qoldaǵan. Jýyrda Baılanys jáne aqparat mınıstri A.Juma­ǵalıevtiń atynan depýtat-tarǵa jaýap kelipti. Onda mınıs­trlik bul máseleniń kóteril­geni oryndy dep sanaıtynyn jetkize kelip, “Shalqar” radıosynyń aldaǵy ýaqytta respýblıka kólemine tolyq taratylýy jóninde “Qaz-teleradıo” AQ-qa arnaıy tapsyrma berilgendigi aı­tylypty. Sonymen birge, onyń ha­barlaryn Ońtústik-Shyǵys Azııa elderine qysqa tol­qyndy jıilikte taratýdyń tehnıkalyq múmkindigi bol­ǵanymen, máseleni sheshý qarjyǵa tireletindigi kól­deneń tartylǵan. Sóı­tip, “Shalqar” áli de tolyq kú­shinde shalqı almaıdy eken. Jaqsybaı SAMRAT.