Sáýir aıynyń basynda Fınlıandııada qalyp qoıǵan reseılik murajaılar jınaǵyna engen sýretter, músinder men mozaıkalyq ústel Memlekettik Ermıtajǵa qaıtaryldy, dep habarlaıdy Egemen.kz euronews.com saıtyna silteme jasap.
Oqıǵa Italııa men Japonııadaǵy kórmelerde kórsetilgen eksponattardyń tóńireginde boldy.
Fındik keden qyzmetteri birneshe kún qatarynan myńjyldyq tarıhy bar óner týyndylaryn sanksııa engizilgen Reseıge jiberý múmkindigin qarastyrǵan. Eýropalyq Odaqpen keńeskennen keıin Helsınkı bıligi eksponattardy úsh vagonǵa artyp, Reseı shekarasynan ótkizýge ruqsat berdi.
Shetelde qoıylǵan Ermıtaj, Tretıakov galereıasy men Pýshkın murajaıynyń eksponattary arasynda Antonıo Kanova men Jan Ogıýst Domınık Engrdiń de jumystary bar. Atalǵan óner týyndylarynyń jalpy quny 42 mıllıon eýroǵa baǵalanady.