Qazaqstanda koronavırýs juqtyrǵandardyń 98%-dan astamy aýrýdan jazylyp ketti. Bul týraly sanıtarııalyq-epıdemııalyq baqylaý komıtetiniń resmı ókili Erjan Baıtanaev málimdedi, dep habarlaıdy Egemen.kz.
Resmı ókil taratqan málimetterge qaraǵanda, Qazaqstanda COVID-19 boıynsha epıdemııalyq jaǵdaı turaqty, táýligine 20-ǵa deıin ınfeksııa juqtyrý deregi tirkeledi. Bul ınfeksııanyń taralý koeffısıentine de áser etti, sáýir aıynan beri bul kórsetkish 1-den tómen. Naýqastardyń 98%-dan astamy saýyǵyp shyqty.
«Sońǵy aıda stasıonarlyq em alatyn naýqastar sany 5,7 esege (588-den 102-ge deıin), ambýlatorııalyq em alyp jatqan naýqastar - 3,4 esege (5655-ten 1655-ke deıin), ınfeksııalyq tósek oryndarynyń júktemesi 2,0 esege (8-den 4%-ǵa deıin), reanımasııalyq tósekter júktemesi 3,5 esege 7-den 2% - ǵa deıin tómendedi», delingen habarlamada.