О́skemen qalasynda avtobýs qaqqan 5 jasar qyz kóz jumdy, dep habarlaıdy Egemen.kz ShQO Polısııa departamenti baspasóz qyzmetine silteme jasap.
Jol-kólik oqıǵasy 21 aqpan kúni saǵat 17:00 shamasynda Bajov kóshesinde bolǵan.
«Qoǵamdyq kólik júrgizýshisi jolaýshylardy aıaldamadan túsirgen kezde qaýipsizdik talaptaryn saqtamaı, 5 jasar qyzdy qaǵyp ketti. Sonyń saldarynan ol sol jerde mert bolǵan», delingen aqparatta.
Qazirgi ýaqytta atalǵan fakti boıynsha QR Qylmystyq Kodeksiniń 345-baby 3-bóligine sáıkes sotqa deıingi tergeý amaldary júrgizilýde.