Pavlodar oblysy polısııa departamentiniń eks-bastyǵy polısııa general-maıory para aldy degen kúdikke ilindi, dep habarlaıdy Egemen.kz Sybaılas jemqorlyqqa qarsy is-qımyl agenttigine silteme jasap.
«Pavlodar oblysy boıynsha Sybaılas jemqorlyqqa qarsy qyzmeti Pavlodar oblysy polısııa departamentiniń eks-bastyǵy polısııa general-maıory N.M. Másimovke qatysty asa iri mólsherde para aldy degen kúdikpen sotqa deıingi tergeýdi bastady (Qylmystyq kodekstiń 366-baby 4-bóligi boıynsha).
Osy fakti boıynsha onyń is-áreketi syrttaı saralanyp, tergeý soty «kúzetpen ustaý» túrindegi bultartpaý sharasymen sanksııalady. Qazirgi ýaqytta N.M. Másimovke izdeý jarııalandy, is boıynsha onyń ornalasqan jerin anyqtaý boıynsha qajetti jedel-izdestirý is-sharalary jáne istiń barlyq mán-jaılaryn anyqtaýǵa baǵyttalǵan basqa da tergeý is-áreketteri júrgizilýde. Tergeý nátıjeleri boıynsha tıisti is júrgizý sheshimi qabyldanady», delingen habarlamada.
О́zge aqparat qylmystyq is júrgizý kodeksiniń 201-babyna sáıkes jarııa etýge jatpaıdy.
Aıta keteıik, Nurlan Másimov QR UQK eks-basshysy Kárim Másimovtiń nemere inisi.