Almaty polıseıleri qańtar oqıǵasy kezinde qalany tonaýǵa qatysqan eki azamatty ustady, dep habarlaıdy Egemen.kz.
1990 jyly týǵan N esimdi azamat qańtar oqıǵasy kezinde ańshylyq dúkennen qarý urlaǵany úshin sottaldy.
«Kúdikti urlaǵan qarý-jaraq qoımasynyń orny – aýyl shetindegi úıindiden anyqtaldy. Nátıjesinde 22 kalıbrli «SAVAGE» burandaly karabıni men 12 kalıbrli «ATA ARMS» tegis uńǵyly myltyǵy tárkilendi. Qylmystyń sybaılastarymen qatar basqa da qarý-jaraq jasyrylǵan oryndar bolýy múmkin ekenin joqqa shyǵarmaımyz», dedi Almaly aýdandyq polısııa basqarmasynyń bastyǵy, polısııa polkovnıgi Esen Ysqaqov
Polıseılerdiń málimdeýinshe, Alataý aýdanynda anyqtalǵan kúdikti ýaqytsha ustaý ızolıatoryna qamaldy.
«Jasyrylǵan oryn tabyldy. Qarý saraptamaǵa jiberildi. Al qaskóı ýaqytsha ustaý ızolıatoryna qamalyp, qylmystyq jaýapkershilikke tartyldy», dedi Áýezov aýdandyq PB bastyǵy, polısııa polkovnıgi Qumarbek Kenshinbaev