Júlde qory 5 mln teńgeni quraıtyn respýblıkalyq baıqaý máresine jetti. Bul eldiń áleýmettik-ekonomıkalyq damýyna úles qosýǵa daıyn belsendi jastardyń jobalaryn qoldaýǵa baǵyttalǵan.
Atalǵan joba – Coca-Cola Icecek Kazakhstan kompanııasynyń bastamasy. 2016 jyldan beri ótkizilip kelgen baıqaýda baq synaýǵa bıyl 300-ge jýyq ótinim túsken. Konkýrstyq komıssııa eń úzdik ıdeıalar avtorlaryna jobalaryn júzege asyrýyna grant berdi. Jeńimpazdardyń jobalaryna toqtalsaq: Jansúgir Serikov «Gıdropondyq ádispen qııar ósirý» jobasyna 1,5 mln teńge; Aıan Muhtasıpov «Aımaqtarda qazaq tilinde zamanaýı bıden onlaın kýrstar ótkizý» jobasyna 1,5 mln teńge; Janarys Túbekbaev «Qarjylyq saýattylyqty damytý platformasy» jobasy úshin 1 mln teńge; Sánııa Arınova «Qyzdar men áıelderge arnalǵan kóp ret qoldanylatyn matadan jasalǵan ekologııalyq taza tósemeler shyǵarý» jobasyna 1 mln teńge ıelendi.
Baıqaýdy uıymdastyrýshy kompanııanyń ókili Alıma Isembaeva: «Biz áýelde jastardyń damýyna úles qosýdy kózdedik. Sóıtip sarapshylardy, tálimgerler men jattyqtyrýshylardy tartyp, jastarǵa túrli trenıng uıymdastyra bastadyq. Sol semınarlarda jastar ózderiniń ómirine qajetti daǵdylardy meńgere alady. Degenmen ýaqyt óte kele jobamyzdyń budan da kóp nátıje bere alatynyn bilip, ózekti áleýmettik máselelerdi sheshýge baǵyttalǵan úzdik ıdeıaǵa jyl saıyn baıqaý ótkizýdi uıǵardyq. Osylaısha, úzdik ıdeıalardyń avtorlary óz jobalaryn júzege asyrý maqsatynda kompanııamyzdan aqshalaı grant alý úshin básekege túsý múmkindigine ıe boldy», dedi.
Baıqaýǵa qatysýshylar qarjylyq qoldaýǵa qosa oqý baǵdarlamasynan ótip, tájirıbeli mamandardan sabaq alady.