Qazaqstannyń birinshi, álemniń 18-raketkasy Elena Rybakına Madrıd WTA 1000 týrnırin jeńispen bastady, dep habarlaıdy Egemen.kz.
Júlde qory 6,5 mln eýrodan asatyn iri jarystyń 16-raketkasy bolyp tirkelgen qazaqstandyq tennısshi alǵashqy aınalymda dúnıejúzilik reıtıngte 93-orynda turǵan fransııalyq Osean Dodenmen sheberlik baıqasty.
Birinshi partııada Elena eki breık jasap, aıqyn basymdylyq kórsetti - 6:2. Tartysty órbigen ekinshi set te Rybakınanyń paıdasyna sheshildi - 7:5. Bir saǵat 20 mınýtqa sozylǵan matchta qazaqstandyq tennısshi 12 eıs jasap, 7 breık-poıntttyń beseýin óz esebine jazdy.
Fransııalyq sportshy 4 eıs, 2 breıkpen shekteldi.
E.Rybakına úshinshi aınalymǵa shyǵý úshin álemniń 51-raketkasy, chehııalyq Katerına Sınıakova nemese reıtıngte 66-satydaǵy horvatııalyq Ana Konıýhtyń bireýimen talasady.