Nur-Sultan qalasynyń eki sportshysy Brazılııada ótetin Sýrdlımpıada oıyndarynda óner kórsetedi, dep habarlaıdy Egemen.kz elorda ákimdiginiń saıtyna silteme jasap.
1-15 mamyr aralyǵynda Brazılııanyń Kashıas-dý-Sýl qalasynda 24-jazǵy Sýrdolımpıada oıyndary ótedi. Jarysta baǵdarlamanyń 21 túri boıynsha 205 marapat jıyntyǵy oınatylady. Álemniń 100 elinen 3000-nan astam sportshy qatysady dep josparlanyp otyr.
Osyǵan deıin Sýrdolımpıada oıyndaryna qatysý quqyǵyna elordalyq tennısshi Vladımır Nesterov ıe bolǵan. Endi Nur-Sultan qalasy ákimdiginiń «Balalar-jasóspirimder sport mektebi, múgedek sportshylarǵa arnalǵan sport mektebiniń» taǵy eki sportshysy tórt jylda bir ótetin basty jarysta el namysyn qorǵaıtyny belgili boldy.
Júzýden ulttyq qurama sapyna elordalyq sportshy Talǵat Álisher endi. О́ziniń jastyǵyna qaramastan sportshy Respýblıka chempıonattarynyń birneshe dúrkin júldegeri, Polshadaǵy Halyqaralyq jarystardyń chempıony bolyp sanalady. Álisher qazir mektep oqýshysy, jasóspirim bolashaǵyn sportpen baılanystyryp, aldaǵy ýaqytta jattyqtyrýshy bolýdy josparlap júr.
Sabyrjan Hapızov ta bul jarysta dzıýdodan el namysyn qorǵaıdy. Sportshy 2022 jylǵy Qazaqstan Respýblıkasy Kýbogynyń jeńimpazy, Fransııadaǵy álem chempıonatynda dzıýdoshy 7-orynǵa ıe boldy. Sportshymyz medısınalyq kolledjdi bitirgen, sportta joǵary nátıjelerge qol jetkizýdi armandaıdy.