Keshe Májilis spıkeri Qabıbolla Jaqypovtyń tóraǵalyǵymen palatanyń bıýrosy ótti. Onda depýtattardyń aldaǵy jalpy otyrysynda qaralatyn máseleler naqtylandy, dep habarlady Májilistiń baspasóz qyzmeti.
Depýtattardyń talqylaýyna «Halyq densaýlyǵy jáne densaýlyq saqtaý júıesi týraly» kodeks jobasy birinshi oqylymǵa shyǵarylatyn boldy.
Al Qylmystyq is júrgizý kodeksiniń jobasy ilespesimen ekinshi oqylymda qaralady.
Salalyq komıtet Qylmystyq is júrgizý kodeksin daıarlaýdyń basty maqsaty – qylmystyq sot óndirisin odan ári jetildirý jáne azamattardyń konstıtýsııalyq quqyqtary men erkindigin tıimdi qorǵaý bolyp tabylatynyn atap ótti.
Kodeks jobasynyń konseptýaldy erejelerin Májilis osy jyldyń 5 aqpanynda birinshi oqylymda maquldaǵan bolatyn. Depýtattar negizinen sottardyń tergeýi men qorǵaýshylardyń ókilettigin keńeıtý, sot óndirisi isinde utymdy sóz jarystary men taraptar teńdigi sonymen qatar, keıbir jobanyń jeke baptaryn jetildirý boıynsha túzetýler engizdi.
«Egemen-aqparat».