Taraz shekara otrıadyna qarasty «Sypataı batyr» zastavasynyń shekarashylary memlekettik shekara qorshaýlaryn buzyp, qyrǵyz jerinen elimizge qaraı zańsyz ótken onnan astam júk kólikteriniń izderin anyqtady. Aldyn ala boljamǵa qaraǵanda, shekara túbindegi qazylǵan orlardy zań buzýshylar áldebir tehnıkanyń kómegimen (býldozerge uqsaıdy) tegistep ótkenge uqsaıdy.
Oqıǵa bolǵan jerge kelgen jedel top Merke aýylyna kire beriste («Anıpa» JK ýaqytsha saqtaý qoımasy) halyq tutynatyn taýarlardy zańsyz alyp ótken 14 «KamAZ» kóligine mingen Qyrǵyz Respýblıkasynyń 12 azamatyn ustady.
Olar qylmystyq jazaǵa tartylatyn bolady, dep habarlady UQK ShQ baspasóz qyzmeti.