Sáýleli sapar sýretteri

Botagózdiń balalyq shaǵy Pavlodar oblysy, Naberejnyı aýylynda ótken. Ertis ózeniniń jaǵasyndaǵy áspeti bólek ásem tabıǵat sýretshi kenebindegi kór­kem obrazǵa aınalǵan. Sıýjetter eńbekqor aýyl turǵyndarynyń ómir tynysy týraly baıandaıdy. Ásirese áke men ana portretteri mahabbat pen meıirimge toly. Aýyl tabıǵatyn jyrlaǵan týyn­dylardan jarqyn bolashaqqa umtylǵan baqytty balalyq shaq týraly nostalgııalyq notalar estiledi.

Botagóz qylqa­lamyndaǵy taǵy bir erekshelik – túrli halyqtardyń mádenıetinen adamzatqa ortaq qundylyq izdeý. О́mir arnasy, turmys-tirshiligi, tipti nanym-senimi bir-birimen múlde qabyspaıtyn ulttardyń ónerinen uqsastyq taba otyryp, olardy rýhanı tutastyqqa shaqyrý sýretshiniń qaıratkerlik qyry dep ataýǵa bolady. Úndi taqyrybyna arnalǵan jumystar serııasy avtordyń tereń fı­lo­- sofııalyq dúnıetanymynan ha­bar beredi.

Bul týraly kórme jetekshisi, ónertanýshy Natalııa Bajenova: «Úndistan Botagózdiń júregine bala kezden jaqyn. Áıgili «Ogo­nek» jýrnalynyń bette­rinen kórnekti sýretshi, fılosof jáne saıahatshy Nıkolaı Rerıhtiń sýretin kórgen kezde onyń bala armany búr jarǵan. Sodan keıin sýretshi bolý armany oryndaldy ári ondaǵan jyl ótken soń osy kórmede usynylǵan taýlardyń kerim-kelbeti, uly sheberdiń portreti paıda boldy», dep atap ótti.

– Úndistannyń qasıetti jer­lerine saıahat 2011 jyly bastalyp, alyp Gımalaı bókterinde ótken shyǵarmashylyq kúnder jemisti boldy. Kýllý alqabynda, Naggarda (Hımachal Pradesh shtaty) ómirden alynǵan etıýdter jazyldy. Dál osy jerde ataqty Ortalyq Azııa ekspedısııasynan keıin N.K.Rerıh jáne onyń otbasy «Ýrýsvatı» – Gımalaı zertteýler ınstıtýty quryldy. 2019 jyly Úndistannyń soltústik-shyǵysyndaǵy shtaty Sıkkımge sapar shektik. 2020 jyly osy bir sáýleli sapardan alǵan áser­diń arqasynda kóptegen jańa gra­fıkalyq jáne kórkem týyndylar jasap shyqtym, – deıdi Botagóz Nurpeıisova.

Ekspozısııada usynylǵan týyn­dylardyń bir parasy Qa­zaq­standaǵy «Bharatanatıam» alǵashqy jáne jalǵyz Úndi klas­­sıkalyq bıiniń kásibı ory­n­­­­­­­- daý­shysy Qazaqstannyń Eńbek sińir­gen óner qaı­ratkeri – Aqma­ral Qaına­zarovanyń shyǵarma­shy­­­lyǵyna arnalǵanyn baıqa­dyq. Aqmaral Qaınazarova men Bota­góz Nur­peıisova óz shyǵar­mashy­ly­ǵynda qazaq jáne úndi máde­nıet­teriniń dástúrlerin úıles­tirip, jalpyadamzattyq qundy­lyq­tardy biriktirýge kúsh salǵan.

Botagóz keskindemeleri jar­qyn, qanyq tústermen, jan­dy, temperamentti jazý­men, jeńil faktýralyq pysyq­taý­men, aıqyn qarama-qaıshy­lyq­tarmen, tutastyq pen moný­mentaldylyqpen sıpattalady. Kórme Qazaqstan men Úndistan arasyndaǵy dıplomatııalyq jáne mádenı qatynastardyń ornaǵanyna 30 jyl tolýyn merekeleýge arnalypty.

ALMATY