Keshe Qasym-Jomart Toqaev UQShU-nyń qurylýyna 20 jyl tolýyna oraı uıymdastyrylǵan Máskeýdegi alqaly jıynǵa qatysty.
О́mirde shynaıy ahýaldy shynaıy kúıde qabyldaý kerek. О́ıtkeni Qazaqstannyń geografııalyq turǵyda ornalasýy, kórshilerimizben qarym-qatynas eldiń damýyna óz áserin tıgizedi. Kórshilik qarym-qatynasymyz Reseı, Qytaı, Túrikmenstan, Qyrǵyzstan, О́zbekstan sekildi eldermen tyǵyz baılanysty. Sondyqtan kórshimen tatý bolý qaı jaǵynan da mańyzdy. Osy oraıda, Prezıdentimizdiń Reseıge barǵanyn, kórshiles eldermen tatý bolýǵa umtylýyn óte durys qadam dep baǵalaýǵa bolady.
Memleket basshysy Qasym-Jomart Toqaev dıplomat adam. Keshegi jıyn barysynda da túsirilgen fotolardy qarap otyryp, Prezıdentimizdiń tap-tuınaqtaı, óz isin adal atqaryp, memlekettiń múddesin qorǵaǵanyn anyq ańǵaramyz.
UQShU bitimgerlik kúshteri Qazaqstannyń shaqyrýy boıynsha Qańtar oqıǵasy kezinde kelip, óz mıssııasyn aıaqtaǵannan keıin óz elderine oraldy. Olardyń eńbegin Memleket basshysy Qasym-Jomart Toqaev joǵary baǵalady.
Keıbir synshylar UQShU-dan shyǵý kerek degen áńgime aıtyp júr. Menińshe bul máseleni Prezıdent halyqpen aqyldasa otyryp sheshim qabyldaıtyny sózsiz. Biraq eń basty múdde – álemdegi «toǵyzynshy terrıtorııanyń» aýmaqtyq tutastyǵyn, eldegi turaqtylyq pen beıbitshilikti saqtaý saıasatyn jalǵastyra berý kerek.
Qazaqstannyń kópvektorly pozısııasyn umytpaǵan jón. Sol vektordan aınymaı, dúnıe júzi memleketterimen túzý qarym-qatynasty saqtaý basty maqsat. Al ol búgingi saıası arenada ońaı jumys emes. Prezıdentimizdiń Túrkııaǵa sapary da Qazaqstannyń halyqaralyq saıasattaǵy ustanymyn aıqyndaýǵa óz yqpalyn tıgizetini sózsiz. R.Erdoǵannyń «Biz baýyrlarymyzdy árqashan da qorǵaımyz» degen sózi de ózgelerge oı salary anyq.
Samat NURTAZA,
saıasattanýshy