Premer-Mınıstrdiń orynbasary Eraly Toǵjanov Senattaǵy jastardy qoldaý taqyrybyna arnalǵan parlamenttik tyńdaýda 2025 jylǵa qaraı kezeń-kezeńimen jastarǵa tehnıkalyq jáne kásiptik bilim berý tolyǵymen tegin bolatynyn habarlady, dep jazady Egemen.kz.
«Elimizde 490 myńǵa jýyq jas kolledjderde bilim alýda. Búginde olardyń 40%-dan astamy aqyly negizde oqyp jatyr. 2025 jylǵa qaraı kezeń-kezeńimen jastarǵa tehnıkalyq jáne kásiptik bilim berý tolyǵymen tegin bolady. Bıyldyń ózinde osy maqsatta 45 myń qosymsha grant bólindi. Kolledjderdegi bilim berýdi eńbek naryǵyna beıimdeý úshin akademııalyq erkindik engizildi. Oqý baǵdarlamalary tolyǵymen jańartyldy», dedi Eraly Toǵjanov jıyn barysynda.
Ol sondaı-aq el aýmyǵynda ashylyp jatqan shetel oqý oryndarynyń fılıaldary týraly aıtty.
«Joǵary oqý sapasy senatorlar tarapynan ótkir kóterilip júrgen suraqtardyń biri. Bul salada básekege qabilettilikti arttyrý úshin álemdik úzdik ýnıversıtetter fılıaldaryn elimizde ashý qolǵa alyndy. Byltyr Almaty qalasynda brıtandyq De-Monfort ýnıversıtetiniń fılıaly quryldy. Jańa oqý jylynan bastap M.Qozybaev atyndaǵy Soltústik Qazaqstan memlekettik ýnıversıtetinde Arızona ýnıversıtetimen birlesip maman daıyndaý jobasy iske qosylady. Bul jastarǵa shetelge shyqpastan, álemdik reıtıngte aldyńǵy qatarda turǵan ýnıversıtetterde bilim alýǵa, ata-analarǵa shyǵyndaryn aıtarlyqtaı únemdeýge múmkindik beredi», dedi Úkimet basshysynyń orynbasary.