Qazaqstan týraly materıaldardy jazatyn, túsiretin sheteldik jýrnalıster úshin «Jańa Qazaqstan sheteldik BAQ kózimen» 7-shi baıqaýyna ótinimder qabyldaý bastaldy, dep habarlaıdy Egemen.kz.
Konkýrstyń ádilqazy alqasy 2014 jyldan bastap óz jumystarynda elimizdiń túrli aspektileri týraly meılinshe shyǵarmashyl, shynaıy jáne obektıvti túrde jarııalanǵan sheteldik avtorlardy iriktep keledi. Baıqaýǵa BAQ-ta jarııalanǵan materıaldardan basqa, blogerlerdiń áleýmettik jelilerdegi akkaýnttarynda jarııalanǵan jumystary da qatysa alady.
Túrli taqyryptaǵy jumystar boıynsha nomınasııalary bar negizgi konkýrstan basqa, bıyl «Kazakh Tourism» atynan bólek nomınasııa usynyldy, onda týrızm taqyrybyndaǵy jumys úshin bir jeńimpaz irikteledi.
Baıqaýǵa qatysýǵa 2021 jylǵy 15 shildeden bastap 2022 jylǵy 15 shildege deıin Qazaqstan týraly sheteldik BAQ-ta nemese áleýmettik jelilerde jarııalanǵan aqparattyq materıaldar qabyldanady.
Baıqaý jeńimpazdaryn quramyna QR Syrtqy ister mınıstriniń orynbasary Roman Vasılenko, «Bas redaktorlar klýbynyń» basshysy Bıbigúl Jeksenbaı jáne «Kazakh Tourism» Ulttyq Kompanııasy» AQ Basqarma tóraǵasy Talǵat Amanbaev kiretin qazylar alqasy anyqtaıdy.
Baıqaý qorytyndysy boıynsha bes geografııalyq aımaqtan bes jeńimpaz anyqtalady:
Ońtústik jáne Soltústik Amerıka;
Eýropa; TMD; Taıaý Shyǵys jáne Afrıka; Azııa-Tynyq muhıt aımaǵyjáne týrızm taqyryby boıynsha nomınasııanyń bir laýreaty irikteledi.
Jeńimpazdar Nur-Sultan, Almaty, Túrkistan qalalary men Býrabaı demalys aımaǵyna barý júldesine ıe bolady. Sapar barysynda mazmundy mádenı baǵdarlama josparlanǵan.
Baıqaý jeńimpazdarynyń memlekettik sektordyń ókilderimen, sarapshylar jáne jýrnalıstermen, Qazaqstannyń ǵylym jáne mádenıet qaıratkerlerimen kezdesýleri uıymdastyrylady.
Barlyq jumystar 2022 jyldyń 15 shildesine deıin mediacontest@mfa.kz elektrondy poshtasyna qabyldanady.
Baıqaý nátıjeleri 2022 jyldyń 1 tamyzyna deıin jarııalanady.
Suraqtar men qosymsha aqparat alý úshin mediacontest@mfa.kz poshtasyna nemese +77172720987 telefonyna habarlasýǵa bolady.