Referendýmǵa qatysýdyń mańyzy zor

Kezdesý barysynda Májilis depýtaty Shýchınsk qalasy ja­sa­ǵynyń qyzmetkerlerine Konstıtýsııaǵa usynylǵan ózge­ris­terdi túsindirdi. Kezde­sýge azamattyq qorǵaý organ­da­ry­nyń 100-den astam qyz­met­keri qatysyp, bolashaq refe­rendým týraly ózderin qyzyq­ty­rǵan suraqtar qoıdy.

«Bolashaq referendým bar­lyq qazaqstandyq úshin óte mańyzdy oqıǵa, óıt­ke­ni referendým arqyly Kons­tı­tý­sııaǵa 1995 jyldan bastap ózgerister engizilgen joq. Bizdiń res­pýb­lı­kamyzdyń árbir azamaty, azamattyq qorǵaý organ­darynyń qyzmetkeri osy ma­ńyz­dy saıa­sı oqıǵaǵa qaty­sýǵa jáne óz ustanymyn bil­di­rýge quqyly», dep atap ótti Má­jilistiń Ekologııa máse­le­leri jáne tabıǵat paıdala­ný komı­te­tiniń tóraǵasy Alek­sandr Mılıýtın.

TJM ókilderi Prezıdent Qasym-Jomart Toqaevtyń bas­ta­masymen qolǵa alynǵan kons­tı­týsııalyq reformanyń negizgi baǵyttary týraly egjeı-tegjeı aıtyp berdi. «Bul túze­týler jalpy alǵanda pre­zıdenttik reformalar men­ Jańa Qazaqstan rýhyna sáı­kes keletin Kon­stı­tý­sııa baptarynyń úsh­ten bir bóligin qamtıdy. Kons­­tı­týsııa­lyq ózgerister mem­le­ket­tiń tolyqqandy damýy, sondaı-aq jańa urpaqtyń múd­desin kórsetý úshin kerek», dep atap ótti A.Mılıýtın.

Kezdesý sońynda Májilis depýtaty men Tótenshe jaǵ­daı­lar mınıstrliginiń ókil­de­ri qoıylǵan suraqtarǵa jaýap berip, qaty­sý­shylardy osy jyl­dyń 5 maýsymynda ótetin búkil­halyqtyq referendýmǵa bel­sen­di qatysýǵa shaqyrdy.