Qazaqstandyq Suleimen Promotions kompanııasynyń boksshylary Ábilhan Amanqul, Abylaıhan Júsipov, Bek Nurmaǵanbet jáne Evgenıı Pavlov 4 maýsymda AQSh-tyń Mınneapolıs (Mınnesota shtaty) qalasynda ótetin boks keshinde judyryqtasady.
Joǵaryda aty atalǵan jerlesterimiz Tom Brown (TGB Promotions) uıymdastyratyn boks keshiniń anderkardynda sharshy alańǵa shyǵady. Al osy keshtiń basty aıqasynda amerıkalyq Stıven Fýlton men Danıel Roman ekinshi jeńil salmaqta WBC jáne WBO belbeýi úshin jekpe-jek ótkizedi.
Aıta keteıik, atalǵan jekpe-jek keshi tórt otandasymyzdyń da AQSh-taǵy alǵashqy aıqasy bolmaq. Buǵan deıin Bek Nurmaǵanbet pen Evgenıı Pavlov Qazaqstannan bólek, Reseı men Belarýs sharshy alańdarynda óner kórsetken. Abylaıhan Júsipov 2020 jyly Aqtaýda ótken kásipqoı boks keshinde baq synap, jeńiske jetken bolsa, bul Ábilhan Amanquldyń kásipqoı bokstaǵy debıýttik jekpe-jegi bolmaq.