Aqparat jáne qoǵamdyq damý mınıstrligi Din isteri komıtetiniń arnaıy jobasy aıasynda bıylǵy jyldyń 23-27 mamyrynda Shymkent qalasynda áıelder arasynda din máseleleri jónindegi respýblıkalyq aqparattyq-túsindirý tobynyń (RATT) mamandary qazaqstandyq qoǵamnyń dástúrli mádenı jáne otbasylyq qundylyqtaryn nyǵaıtýǵa baǵyttalǵan dinı-aǵartýshylyq jumysty uıymdastyrý, sonymen qatar din jolyndaǵy áıelder arasynda dinı ekstremızmniń taralýynyń aldyn alýǵa baǵyttalǵan rýhanı-aǵartý jumysyn uıymdastyrý aıasynda jergilikti turǵyndarmen birqatar is-shara men kezdesý ótkizildi.
Atalǵan kezdesýlerge RATT músheleri – teologter, dintanýshylar T.Qojahmetova, D.Nurǵalıeva, A.Dúısenbaeva, G.Shetenova, Sh.Ádilbaeva qatysty.
RATT músheleriniń Shymkent qalasynyń «Ál-Bilál», «Amolı Solıh», «Qattanı» meshitterindegi dindar áıeldermen, M.Áýezov atyndaǵy ýnıversıtettiń, Ońtústik Qazaqstan memlekettik pedagogıkalyq ýnıversıtetiniń, Shymkent qalasyndaǵy joǵary medısınalyq kolledjdiń, «Avısenna» kópsalaly medısınalyq kolledjiniń stýdentterimen, «Áıel-qyzdar» sektorynyń, Shymkent qalasynyń din salasyndaǵy aqparattyq-túsindirý toptarynyń múshelerimen jáne «Jýsan» operasııasynyń nátıjesinde elge oralǵan áıeldermen kezdesýleri uıymdastyryldy.
О́tkizilgen is-sharalarda turǵyndarǵa Qazaqstanda turatyn barlyq konfessııa men etnostyń beıbit ózara is-qımylymen qatar ómir súrýine, Qazaqstan halqynyń mádenıeti men rýhanı murasyna, destrýktıvti jalǵan dinı jáne radıkaldy ıdeıalardyń zııandylyǵyn túsindirýge baǵyttalǵan din salasyndaǵy memlekettik saıasattyń mán-mańyzy týraly aqparat berildi.
Sarapshylar dinniń rýhanı-adamgershilik tárbıe berý máselelerine, qazirgi qazaqstandyq qoǵamdaǵy áıelderdiń róli men áleýmettik mártebesin arttyrýǵa, sondaı-aq destrýktıvti dinı aǵymdardyń teris áserine qarsy turý sharalaryna erekshe nazar aýdardy. Qoǵamda oryn alyp jatqan jaǵdaılar men oqıǵalar keńinen túsindirilip, adamdardyń dinı turǵydan sergek bolýy kerek ekeni aıtyldy. Tyńdaýshylar tarapynan kóptegen suraq qoıylyp, olarǵa RATT músheleri tıisinshe jaýap berdi.
Aqparattyq-túsindirý toptarynyń belsendi jumysy halyqtyń rýhanı jańǵyrýyna yqpalyn tıgizetini anyq.
Talǵat AHYMBETOV,
«Jańa shabyt» qoǵamdyq birlestiginiń tóraǵasy
ShYMKENT