PETROPAVL. 21 sáýir. Soltústik Qazaqstan oblysynyń ókil ımamy Dúısenbaı Kenjataı qajyǵa jónsiz tıisip, onyń ar-namysyn aıaqqa taptaıtyn sózder aıtqan adamnyń aty-jóni anyqtaldy. Bul týraly egemen.kz tilshisi habarlady.
Oblystyń ókil ımamy qyzmetin atqarǵanyna bir jyl tolǵan Dúısenbaı qajynyń jaıaý júrgenin eskergen bolýlary kerek, jergilikti kásipkerler ózara birigip, Allataǵalanyń jerdegi úıine «Djıp» kóligin syılaıdy. Sol-aq eken, ishin qyzǵanysh ıti tyrmalaǵan kúnshil áldekim telefon soǵyp, jeke basyn qorlaıtyn balaǵat sózderdi aıtýdy jıiletkennen keıin zań oryndaryna qaırylýǵa májbúr bolady. Jedel izdestirý sharalary barysynda telefonnyń arǵy jaǵynan qorqytyp-úrkitip, tynym bermegen adamnyń aty-jóni málim boldy.
Qazir osyǵan baılanysty Qylmystyq kodekstiń 112-baby boıynsha kúdiktiniń ústinen qylmystyq is qozǵaldy.
О́mir Esqalı.
Derekkóz: egemen.kz.
Foto: maps.resurs.kz.