Júregimiz ashyq, jolymyz túzý

Júregimiz ashyq, jolymyz túzý – dedi Qazaqstan halqy Assambleıasynyń múshesi, «Lıtýanık» oblystyq lıtvan etnomádenı birlestiginiń tóraǵasy V.Tvarıonas tildeskenimizde

– Vıtalıı Ionovıch, Assam­­­bleıanyń HHI sessııasy ju­my­­­synan túıgen oıyńyz qandaı? – О́te zor desem, artyq aıtpa­ǵandyǵym bolar. Eń bastysy – Elbasymyzdyń beıbitshilik pen kelisimge negizdelgen sarab­dal saıasatynyń bárimizge qym­bat maqsatty odan ári ny­ǵaı­tý­ǵa baǵyttalǵan jańa shara­la­ry qýantty. О́mirdiń ózgeris­te­rine, talaptaryna sáıkes qazaq­standyqtardyń úlken mereıi men maqtanyshy – dostyqtyń, birliktiń irgetasy beriktigin, ósý men órkendeýdiń jolyna tyǵyz toptasýyn uıystyrýshy uıym qyzmetiniń mańyzy arta túspektigi kóńilge jyly áser etti. Prezıdent N.Á.Nazarbaev óz sózinde toleranttylyq pen kelisimniń qazaqstandyq modelin ilgeriletý boıynsha birqatar jańa sharalar qabyldaý qajettigin atasa, sonyń ishinde Assambleıanyń óńirlik deńgeıindegi qurylymyn kúsheıtýdi, birneshe oblystarda kishi assambleıalardy damytý tujyrymdamasyn qabyldaý kerektigi týraly tapsyrmasyn qoldaımyz. 100-den astam etnos mekeni, 74 etnomádenı birlestik ulttyq salt-dástúrlerdi saqtaý, túsinistik pen tutastyqty úı­les­tirý baǵytynda jumys júrgizetin aımaqta mundaı uıymnyń orny bir tóbe bolary sózsiz. – Osy oraıda jaǵymdy jańa­lyqtyń basyn aıtsańyz. – Prezıdentimiz basqa oblystar ortalyqtaryndaǵydaı, Qaraǵandyda da «Dostyq» úıin salýdy tapsyryp, qurylysyn baqylaýda ustaıtyndyǵyn aıtty. Shynynda, bul bizdiń kútken tileýimiz edi. Barlyq etnomádenı birlestikter bir shańyraq ortasynda basy qosylyp, tatýlyqty tereńdetip, turaqtylyq tuǵyryn bıiktetip jatýy tamasha-aq úrdis qoı. Bárimizge ortaq ystyq uıa bolar úıdiń kóp kúttirmeı esigi ashylýyn estip, qýanýdamyz. – Sizdiń shetelderde bolyp turatyńyzdy bilemiz. Bálkim, etnosaralyq qatynas jaǵynan salystyrýlar bolar? – Árıne, olaı bolyp qalady. Qazaqstannyń bul rette shyn máninde qaı elge de ónege tutylýǵa laıyqtyǵy baıqalady. Muny tarıhı otanym Lıtvada bolýymda árdaıym maqtanyshpen aıtamyn. Ondaǵy tanystarym, týǵan-týysqandarym Qaraǵandyǵa kelip-ketip júrýlerinde syı­las­tyǵymyzǵa, nıet-múdde ja­rastyǵymyzǵa qyzyǵyp, súısinip qaıtady. Júregi ashyq, joly túzý adamnyń ómiri shýaqty bolmaq emes pe. Súıikti Qazaqstanym solaı kórinedi. Áńgimelesken Aıqyn NESIPBAI, «Egemen Qazaqstan». QARAǴANDY.