Keneptegi kesek beıneler

Sýretshi kóp jyldar boıy qazaq zııalylarynyń, ult ba­tyrlarynyń portret­ter topta­masyn ómirge ákel­di. Osy ju­mystardyń ishi­nen Abaı Qunan­­baıuly, Muh­tar Áýezov, Shá­kárim Qudaı­berdiuly, Jam­byl Jabaev portretterin erekshe atap ótk­en jón. Portret­tegi stıl shart­tylyqtan aýlaq. О́ner ıesi ke­ıipkerleriniń plas­tı­kalyq sıpattamasyn jan-jaq­ty kórsetýge umtylady.

Ábilhan Qasteev atyndaǵy óner mýzeıinde kórermenge jol tartqan «О́mir – óner joly» kórmesine týyndygerdiń 60-tan astam grafıkalyq jáne keskindemelik mánerde oryn­dalǵan keń tynysty shyǵar­malary qoıylǵan.

– Qanat Shúkirbekovtiń týyn­dy­lary jarqyn, qanyq boıaýmen, jandy, tempera­ment­ti jazý mánerimen, pishinderdiń jeńil faktýraly óńdelýimen sıpattalady. Ol qazaq ulttyq beıneleý óneriniń úzdik dás­túr­lerine negizdelgen jańa obraz­dar jasaýdyń sheberi. Shy­­ǵar­mashylyǵy arqyly biz sýret­shiniń óz eliniń tarıhyna, hal­qyna degen shynaıy súıis­penshiligin, Qazaqstannyń bo­lashaǵyna beıjaı qaramaı­tynyn baıqaımyz. Qyl­qa­lamdaǵy tarıhı sıýjetter dra­matızmniń erekshe rýhyna jáne bolyp jatqan oqıǵalardyń shyndyq sezimine toly. Bul janr­lyq shyǵarmalardaǵy keıip­kerler múmkindiginshe ta­bıǵı ári tul­ǵalyq, áleýmettik jáne rýhanı qundylyqtarymen kes­kin­delgen. Avtordyń «Ker zaman», «Búrkit ustaǵan ań­shy», «Jer-Ana», «Alakól», «Alash­tyń ar­many», «Arystan bab», «Al­tyn kúz» sekildi kórkem kes­kin­de­melik týyndylary onyń baı shyǵarmashylyq áleýe­tin kór­setedi, – deıdi kór­me jetek­shisi, ónertanýshy Ǵa­lııa Álı.

Ekspozısııada búgingi qo­ǵam tynysy, adamdardyń qa­ra­paıym tirshiligi, shynaıy dostyq pen adal mahabbatty dá­riptegen sýretter kóńilge jylý syılaıdy. Sýretshi ózi kór­gen-túıgen áserlerdi sezim­men jandandyryp, qýatty ıdeıa men áserli jetkizedi. Ol túspen, keńistikpen jáne sy­zyq­pen batyl jumys isteıdi. Baı qanyq túster gammasynda qa­zaq dalasynyń tańǵajaıyp tabıǵatyn, onyń zattyq álemin beı­neleıtin peızajdar men natıýrmorttar kórme qundylyǵyn arttyra túsken.

Sýretshi kitap ıllıýstrasııasy salasynda da óziniń aıshyqty qoltańbasyn qalyptastyra bildi. Ol «О́ner», «Atamura», «Mektep», «Jazýshy» baspalarymen tyǵyz baılanys ornata júrip, kóptegen balalar kitaptaryn túrli tústi grafıka tehnıkasynda bezendirgen. Shúkirbekovtiń grafıkalyq pa­raqtary aıqyndyǵymen, má­nerliligimen, beıneliligimen jáne ıdeıalyq tolyqtyǵymen sıpattalady. Kitaptarǵa ar­nalǵan ıllıýstrasııalary, ak­varel qaǵazynda túrli tús­ti qaryndashtarmen, onyń túıir­shikti qurylymymen ja­salǵan basqa jumystary qaıtalanbas atmosferalyq jumsaqtyǵymen erekshelenedi.

ALMATY