ALMATY. 22 sáýir. Keshe Almatydaǵy 28 panfılovshylar atyndaǵy saıabaqta Uly Otan jáne aýǵan soǵystarynyń ardagerleri jınalyp, «Ańyz adam» jýrnalynyń sáýirdegi nómirin órtedi. Jýrnaldyń bul sany Adolf Gıtlerdiń beınesin somdaǵan eken. Bul týraly «Ekspress K» habarlady.
«Ańyz adamǵa» narazylyq bildirgendiń biri – Aýǵanstan soǵysy ardagerleri qoǵamdyq birlestiginiń tóraǵasy Murat Ábdishúkirov jınalǵandar aldynda: «Jýrnalda jarııalanǵan maqala avtory fashıstik Germanııanyń mıllıondardyń ómirin qıǵan, jazyqsyz jandardy lagerlerde azaptap óltirgen qanquıly áreketterin aqtaǵysy kelgen. Bul - ekinshi dúnıejúzilik soǵysta qaza bolǵan keńestik jaýyngerlerdi, solardyń ishindegi qazaqstandyq bozdaqtardy qorlaý. Mundaı bura tartqan materıaldyń Jeńis kúni qarsańynda jarııalanýy -ardagerlerimizdi syılamaýdyń belgisi. Eger Gıtlerdi jaqtap jazǵan avtor jazalanbasa, onda qarttarymyz qatty ókpeleıdi», – dedi.
Al general Panfılovtyń nemeresi Aıgúl Baıqadamova: «Jýrnaldyń redaktory Jarylqap Qalybaıdy zańdyq turǵyda jaýapqa tarqan jón. Biz Gıtlerdiń qylmysyn aqtaǵysy kelgen maqalalardyń basylǵanyna qatty yzamyz keldi. «Ańyz adamdy» jabý kerek», – dep óz renishin bildirdi.
Joldybaı Bazar.
Derekkóz: «Ekspress K».
Foto: express-k.kz.