Eýropalyq parlament músheleri 2035 jylǵa qaraı ishki janý qozǵaltqyshtary bar jańa avtomobılderdi satýǵa tyıym salýdy qoldap otyr, dep habarlaıdy Egemen.kz CNN basylymyna silteme jasap.
Atalǵan másele Eýropalyq keńeste talqylanyp, zań retinde qabyldanýy kerek. Bul zań maquldansa, gıbrıdti avtomobılderdiń satylymy tómendep, elektr qýatymen júretin kólikterdi paıdalanýǵa tolyq kóshedi.
Bul shara qorshaǵan ortany lastaý boıynsha álemdegi úshinshi iri aımaq sanalatyn EO-nyń klımattyq saıasaty aıasynda júzege asady.
Aıta ketsek, Eýropa ekonomıkasynda avtomobıl ónerkásibi mańyzdy ról atqarady, onyń úlesine JIО́-niń 7%-y tıesili jáne 14,6 mln adamdy jumys ornymen qamtamasyz etip otyr. Biraq kólik - parnıkti gaz shyǵaryndylarynyń ósýine yqpal etip otyrǵan jalǵyz sala.
2017 jyly kómirqyshqyl gazy shyǵaryndylarynyń 21%-y jol kólik quraldaryna tıesili bolǵan. Endi Eýropa odaǵynyń quramyna kirmeıtin Ulybrıtanııa ótken jyly 2030 jyldan bastap jańa benzın men dızeldi kólikterdi satýǵa tyıym salatynyn jarııalady, al jańa gıbrıdter 2035 jylǵa deıin satyla beredi.