Ǵasyr jasaǵan basylym

Alǵashqy sany 1921 jyly 22 naýryzda Tashkent qala­synda jaryq kórgen jastar basy­lymnyń tuńǵysh redaktory Ǵanı Muratbaev bolsa, aıtý­ly aqyn Ilııas Jansúgirov ja­ýapty hatshy qyzmetin at­qarǵan. Irgetasyn osyndaı hal­qymyzdyń ardaqtylary qa­laǵan gazette Kákimjan Qa­zybaev, Sherhan Murtaza, Seı­dahmet Berdiqulov, Ábish Kekilbaıuly, Farıza Oń­ǵar­synova, Oralhan Bókeı jáne taǵy basqa qazaq ádebıeti men jýrnalıstıkasynyń bir-bir kór­nekti ókiline aınalǵan qan­shama qarymdy qalamgerler eń­bek etip, qoltańbalaryn qaldyrdy. Sondaı-aq basy­lym ár jyldary «Jas Qaırat», «О́r­teń», «Jas qazaq», «Lenın­shil jas» ataýlarymen jaryq kórip, elimiz azattyq alǵan 1991 jyldan «Jas alash» bolyp shyǵa bastady.

Kórmeniń ashylýynda Par­lament Senatynyń depýtaty Nurtóre Júsip, Májilis depýtaty Janarbek Áshimjan, 1986-1994 jyldary «Jas Alash» gazetinde bas redaktor bolǵan, belgili ǵalym, qa­lamger Ýálıhan Qa­lıjan, aqyn, Memlekettik syı­lyqtyń laý­reaty Nesipbek Aı­tuly jáne gazettiń bas redaktory Qaı­rat Mátirekov sóz alyp, ult únine aınalǵan basylymnyń tarıhy men onda qyzmet istegen qalamgerler týraly taǵylymdy estelikterimen bólisti.

Sonymen qatar Ulttyq mýzeı dırektorynyń orynbasary Nazgúl Qadirimbetova qazaq jýr­nalıstıkasynyń ula­ǵatty usta­hanasy bolǵan gazettiń oqyr­mandar úshin orny bólek ekenin aıta kelip: «Jas Alashtyń» júrip ótken joly – ult rýhanııatynyń shejiresi. Basylymnyń júzjyl­dyq tigindisin túgendegen árbir azamat qazaqtyń muńymen, qýa­­ny­shymen, súıinishimen sý­syn­daıdy» dep jınalǵan qaýymǵa jyly lebizin jetkizdi.

Kórmege ǵasyr jasaǵan ba­sylymnyń shyǵý kezeńinen bastap, búginge deıingi tarıhyn beınelegen mazmundy má­limetter men qundy derek­ter, aıshyqty sýretter jáne sonda qyzmet atqarǵan qalam­ger­lerdiń jazbalary men kitap­tary qoıy­lyp, oǵan kelýshi­ler­diń qyzy­ǵýshylyǵyn týǵyzdy.