Djýnııadan 25 júldemen oraldy

Erler arasynda tórt balýanymyz fı­nalǵa shyǵyp, solardyń úsheýi bas júl­deni oljalady. 58 kılo salmaqta atyraýlyq Aı­dynbaı Qaıyrgeldi qarsylas shaq keltir­medi. Osy jarys barysynda ol ózbekstandyq Dos­­ton Rýzıev, koreıalyq Shın Jaeng jáne qyr­­ǵyzstandyq Nurǵazy Janbosynovty je­ńip, komanda qorjynyna alǵashqy altyndy saldy.

Aıdynbaı bastaǵan jeńisti joldy Esen­taı Imahanov jalǵastyrdy. Bul ba­lýan jaıynda uzaq áńgimeleýge bolady. Kóne­kózder Esentaıdyń arǵy atasy Ábdýálı men atasy Parman da kezinde Abaı óńirine aty shyqqan balýandar bolǵan desedi. Olardyń «Qurmetti sport qaıratkeri» degen ataqtary bar. О́ziniń ákesi de talaı dúrmekte oza shaýyp, sport sheberiniń kúmis belgisin keýdesine taqty. Bul kúnderi Birjan Imahanov sambo kúresinen Qazaqstan ulttyq quramasynyń bas bapkeri. Árıne, osyndaı balýandar áýle­tinen shyqqan jas órenniń osal bolýǵa haqysy joq. Ony Esentaıdyń ózi de bala kezinen sanasyna sińirip ósti. 2016-2021 jyl­dary jasóspirimder men jastar arasynda atoı salǵan Imahanov Azııa chempıony ata­nyp, álem birinshiliginde birneshe ret júl­degerler sanatyna qosyldy. Iаkýtııadaǵy «Azııa balalary» týrnırinde top jardy. Eresekter arasynda elishilik jarystarda qar­sylas shydatpaı, byltyr Grekııanyń Salo­nıkı qalasynda uıymdastyrylǵan álem chempıonatynda qola medaldy moınyna ildi.

Lıvanda Esentaı Imahanov 64 kılo sal­maq dárejesinde synǵa tústi. Tusaýkeser kezdesýinde ol byltyrǵy Azııa chempıony, túrik­menstandyq Muhammed Kossekovty qa­py qaldyrdy. Jartylaı fınalda sırııa­lyq Omran Ajenanyń aıaǵyn kókten keltir­di. Aqtyq saıysta Álem kýbogy jolyn­daǵy jarystarda san márte júlde alǵan ózbek­stan­dyq Homıdjon Mýmınovtyń ábden silik­pesin shyǵaryp, jeńis tuǵyrynyń eń bıik satysyna kóterildi.

Úshinshi altyndy 71 kılo salmaqta kúsh synasqan Arnur Qýataı ıelendi. Bolat Qojah­metov pen Berik Jetpisbaevtaı bilik­ti bapkerlerden tálim-tárbıe alǵan Jetisý oblysynyń týmasy bıyl kóktemde Semeıde ót­ken el chempıonatynyń fınalynda álem jáne Azııa chempıony, halyqaralyq dáre­jedegi sport sheberi Nurbol Serikovti san soqtyrǵanda, keıbir mamandar onyń bul jeńisin kezdeısoqtyqqa balaǵan edi. Biraq múlde olaı emestigin Arnur Jer­orta teńizi jaǵalaýynda tolyǵymen dálel­dedi. Bastapqyda ıraktyq Hýsseın Ja­sım men lıvandyq Joı Hadattyń tas-tal­qanyn shyǵarǵan qandasymyz sheshýshi tus­ta О́zbekstannyń óreni, álem jáne Azııa chem­pıo­ny Shahrııor Mamatkýlovtan aılasyn asyr­dy.

Altyn tuǵyrǵa kóterilýge Elaman Qoıshy­bekovtiń (88 kılo) de jaqsy múmkindigi boldy. Eki birdeı qarsylasyn esh qınalmaı utqan ol fınalda ózbek samboshysy Ihtıer Eshmýrodovqa ese jiberdi. Al Aıbek Zekenov (98 kılo) pen Temirlan Kólbaı (+98 kılo) qola medaldy qanaǵat tutty.

– Byltyr Tashkentte ótken Azııa chempıo­natynda Qazaqstannyń erler qurama koman­dasy músheleri arasynan tek Temirlan Kól­baı ǵana altyn alǵan edi. Bul jaǵdaı bizdi qatty qynjyltty. Elge oralǵan soń barlyq máseleni oı eleginen ótkizip, aqyl tarazysyna saldyq. Kemshilikterdi túzetý úshin kóp eńbektendik. Nátıjesi jaman bolǵan joq. Arada birer aı ótkende álem chempıonatynda eki altyn alsaq, búgin, mine, qurlyqtyń basty dodasyn úsh altynmen qorytyndyladyq. Biraq bul kórsetkishke toqmeıilsýge bolmaıdy. О́ıtkeni biz osy jarystyń jalpy esebinde birinshi oryn alýdy kózdedik. Alaıda ózbekter aldymyzdy orap ketti. Olardan ozý úshin komandamyzǵa bir qola medal ǵana jetpeı qaldy, – deıdi Qazaqstan quramasynyń bas bapkeri Birjan Imahanov.

Áıelder arasynda ótken jarysta 3 altyn men 4 kúmisti oljalaǵan otandas­tary­­myz komandalyq esepte kósh bastady. Al­tyn tuǵyrdan qol bulǵaǵan burym­dy­lar arasynan 72 kılo salmaqta kúres­ken Dildásh Quryshbaevany bóle-jara ata­saq, esh aıyby joq dep oılaımyz. Talaı baıraqty básekede abyroıymyzdy asqaq­tatqan Baqyt Qoqysbekovtiń shákirti bul ja­rysta da teńdessiz dep tanylyp, óziniń Azııa chempıonattarynda jeńip alǵan bas júl­deleriniń sanyn jetige jetkizdi. Sony­men qatar D.Quryshbaevanyń Azııa oıyn­darynyń jeńimpazy jáne alty dúrkin álem chempıonatynyń júldegeri (3 kúmis+3 qola) degen ataqtary taǵy bar.

Dildáshtan bólek, Margarıta Bajaeva (50 kılo) men Azman Amaeva (80 kılo) altyn­nan alqa taqty. Fınalda Margarıta túrikmenstandyq Dınara Ibadollaevany utsa, Azman ózbekstandyq Gúlmıra Ismatovadan basym tústi. Al Gúldana Álmuhanbetova (54 kılo), Marjan Bızaq (54 kılo), Ajar Salyqova (65 kılo) jáne Araılym Ábenova (+80 kılo) kúmis medaldy enshiledi.

Jaýyngerlik sambodan bes júlde buıyr­dy. Fınalda ózbekterdiń osal tusyn taba almaǵan Ádilbek Seısenov (64 kılo) pen Áset Anarbaev (71 kılo) jáne qyrǵyzdarǵa jol bergen Asylbek Smaıylov (79 kılo) pen Mádı Raıhan (98 kılo) ekinshi oryn alsa, Aıbek Sámetaev (88 kılo) úshinshi satyǵa jaıǵasty. Jartylaı fınalda Aıbek ózbekstandyq sam­boshydan aılasyn asyra almady. Sonyń sal­darynan jalpykomandalyq saıysty jigit­terimiz qalyń toptyń arasynda qalyp qoıdy.

Esesine burymdylarymyz erledi. Jaýyn­gerlik sambodan áıelder arasynda alǵash ret uıymdastyrylǵan jarysta Qazaq eliniń qyzdary aıdy aspanǵa bir-aq shyǵaryp, sary qurlyqtyń teńdessiz komandasy dep tanyldy. Osy jarysqa qatysqan jeti sport­shymyzdyń barlyǵy da elge oljaly oraldy. Atap aıtsaq, Aıana Satqynálıeva (54 kılo), Rıza Súleımenova (72 kılo) jáne Anar Seıtimova (+80 kılo) aldyna jan salmasa, Inas Áshirbek (50 kılo), Jánel Nábıeva (59 kılo), Móldir Áshirbekova (65 kılo) jáne Ásel Boranbaeva (80 kılo) kúmispen kúpteldi.

Esterińizge sala keteıik, byltyr О́zbek­stannyń bas shahary – Tashkentte ótken Azııa birinshiligin Qazaqstan quramasy 6 altyn, 8 kúmis jáne 10 qola medalmen qorytyndylaǵan edi. Barlyǵy – 24 júlde. Endi birer aptaǵa sozylǵan úzilisten keıin elimiz­diń eń úzdik samboshylary bıylǵy qara­shada Qyrǵyzstannyń astanasy – Bishkek­te jalaýy jelbireıtin álem chempıonatyna óz daıarlyqtaryn bastaıdy.

Jalpykomandalyq esep

Oryn

Komanda

Altyn

Kúmis

Qola

Barlyǵy

1.

О́zbekstan

12

4

8

24

2.

Qazaqstan

9

13

3

25

3.

Qyrǵyzstan

4

4

5

13

4.

Túrikmenstan

2

5

13

20

5.

Fılıppın

1

0

1

2

6.

Ońtústik Koreıa

0

1

3

4

7.

Irak

0

0

4

4

8.

Lıvan

0

0

3

3

9.

Iran

0

0

2

2

10.

Jańa Zelandııa

0

0

1

1