Qanat Sultanǵazıev Eńbekshiqazaq aýdany ákimi qyzmetinen óz erkimen ketti. 11 mamyrda QR Prezıdenti Qasym-Jomart Toqaev onyń inisi Marat Sultanǵazıevty Almaty oblysynyń ákimi etip taǵaıyndaý týraly Jarlyqqa qol qoıdy, dep habarlaıdy Egemen.kz.
Almaty oblysynyń ákimi bolyp Marat Sultanǵazıevtyń taǵaıyndalýyna baılanysty Eńbekshiqazaq aýdanynyń ákimi Qýat Sultanǵazıv óz ótinishi boıynsha qyzmetinen bosatyldy, delingen Almaty oblysy ákimdiginiń baspasóz qyzmeti taratqan habarlamada.
Aıta ketsek, Qýat Eleýsizuly Sultanǵazıev atalǵan aýdanǵa basshy bolyp bıyl aqpan aıynda ǵana taǵaıyndalǵan bolatyn.
Qýat Eleýsizuly Sultanǵazıev 1975 jyly týǵan.
Bilimi joǵary. Qazaq memlekettik agrarlyq ýnıversıtetin býhgalterlik esep jáne aýdıt mamandyǵy boıynsha bitirgen.
Eńbek jolyn Eńbekshiqazaq aýdany boıynsha Salyq basqarmasynyń ınspektory, bas ınspektory bolyp bastady.
Ár jyldarda «Kazkommersbank» AQ Shelek fılıalynyń menedjeri, jetekshi menedjeri, bólim basshysy, dırektordyń orynbasary, Shelek aýylynda «BıK Service», Almaty qalasynda «Vita trans» JShS-larynyń dırektory, «Battal» sharýa qojalyǵynyń jetekshisi, «Aýyl sharýashylyǵyn qarjylaı qoldaý qory» AQ Almaty oblystyq fılıalynyń dırektory boldy.
2020 jyldyń aqpanynan 2022 jyldyń aqpanyna deıin «Agrarlyq nesıelik korporasııa» AQ Almaty qalasy fılıalynyń dırektory qyzmetin atqardy.