Qazaly temirjol aýrýhanasynda magnıtti-rezonanstyq tomografııa ortalyǵy ashylyp, 3D/4D rejimindegi ýltradybystyq zertteý apparaty iske qosyldy. Osyǵan qatysty ótken jıynda aýrýhana basshysy Qubyl Rshymbetov jańa ortalyqtaǵy qurylǵylardyń múmkindikterin kórsetti.
Saltanatty is-sharada sóz alǵan aýdan ákimi Muhtar Orazbaev osyǵan deıin mundaı qurylǵyǵa túsetinder júzdegen shaqyrym jol júrip, oblys ortalyǵyna qatynap kelgenin aıtyp ótti. Árıne, aýyrmaǵanǵa ne jetsin. Biraq endi MRT-ǵa túsetin aýdan turǵyndary ýaqyt pen qarjy jumsap, Qyzylordaǵa sabylmaıtyn boldy. Jańa ortalyq qyzmetkerleri arnaıy oqytýdan ótken.
Jıynda oblystyq densaýlyq saqtaý basqarmasynyń basshysy Sábıt Pazylov, aýdandyq ardagerler keńesiniń tóraǵasy Orazǵalı Bekbanov quttyqtaý sóz sóıledi.
Dárigerler Ońtústik Koreıa jáne aýstrııalyq zamanaýı qurylǵynyń aýrýdyń aldyn alýda tıgizer septigi kóp ekenin aıtady. Nur-Sultan, Almaty, Qyzylorda qalalarynda bilimin jetildirgen mamandar MRT arqyly júıke, tirek-qımyl júıesi, omyrtqa men julynnyń týabitken patologııalaryn, akýsherlik, gınekologııalyq aýrýlardy anyqtap, naýqastarǵa dál dıagnoz qoıylyp, emdeý sharalary júrgiziledi.
Qyzylorda oblysy