О́tken jylǵy 22 qazanda «Temirbank» AQ ǵımaratynan 37 mln. 200 myń teńge urlanǵan bolatyn. Endi, mine, arada jarty jyl ótkennen keıin osynshalyqty mol aqshany kimderdiń qoldy etkeni belgili bolyp otyr.
Júrgizilgen tergeý barysy qylmysty banktiń qaýipsizdik qyzmetiniń qyzmetkeri men onyń sybaılasy jasaǵanyn anyqtady. Almaty qalasy ishki ister departamenti qylmystyq polısııa basqarmasynyń bastyǵy Janbolat Zııadınniń aıtýynsha, jedel qyzmetkerler dereý qylmyskerlerdiń kassa ǵımaratyna kirý jolyn anyqtaǵan. Qylmys jasaýshylar bank ǵımaratyna tereze aqyly kirgen eken. Bul úshin olar terezeniń toryn aldyn ala kesip, daıyndap alypty.
Keıinnen jedel qyzmetkerler 1977 jyly týǵan bank qaýipsizdik qyzmetiniń qyzmetkeri men onyń 32 jastaǵy sybaılasyn tap bastyrmaı tapty. Olardyń ekeýi de Jambyl oblysy Shý aýdanynyń týmalary bolyp shyqty.
«Negizgi kúdiktini biz Shymkent qalasynda qolǵa túsirdik. Ol urlanǵan aqshanyń bir bóligin jumsap úlgeripti. Qalǵan bóligi tárkilenip, qylmystyq is materıalyna qosa tirkeldi. Kúdiktiler aıyptaryn moıyndady. Olarǵa qatysty qylmystyq is qozǵaldy», – degendi aıtty J.Zııadın sońynda.
Qurysh NURYMBET.