Qazaqstandyq Mıhaıl Kýkýshkın Ýımbldon týrnıriniń irikteý saıysyn sátti bastady, dep habarlaıdy Egemen.kz QTF baspasóz qyzmetine silteme jasap.
Álemniń 160-raketkasy Mıhaıl irikteý dodasynyń alǵashqy aınalymynda dúnıejúzilik reıtıngte 173-orynda turǵan ıtalııalyq Lorenso Djýstınomen sheberlik baıqasty. Osyǵan deıin qarsylastar bir ret kezdesip, onda Mıhaıl basym túsken edi. Bul joly nebári 52 mınýtqa sozylǵan matchta qazaqstandyq tennısshi 6:2, 6:1 esebimen jeńiske jetti. Ol báseke barysynda tórt breık jasaı bildi.
Irikteý saıystarynyń fınalyna shyǵý úshin Kýkýshkın álemniń 230-raketkasy, germanııalyq Fılıpp Kolshraıbermen kezdesedi.