Almaty qalasynda qylmystyq is aıasynda qoǵam belsendisi Sanjar Boqaev ustaldy. Tergeý organdary ony jalǵan aqparat taratý jáne zańsyz áreketterdi uıymdastyrý deregi boıynsha kúdikti dep tanyp otyr, dep jazady Egemen.kz.
Quqyq qorǵaý organdarynyń málimetinshe, ustalǵan azamat QR QPK-niń 128-131-baptaryna sáıkes tergeý áreketterin júrgizý barysynda qolǵa túsken. Ol áleýmettik jelilerde qoǵamdyq saıabaq aýmaǵynda aǵashtardy zańsyz kesý jáne qurylys nysandarynan múlik urlaý faktileri týraly beınematerıaldar jarııalaǵan.
Atyraýdaǵy erli-zaıyptynyń ólimi: Kúdikti Indonezııada ustaldy
Tergeý nusqasyna sáıkes, atalǵan áreketter qoǵamda teris pikir qalyptastyrý maqsatynda ádeıi uıymdastyrylǵan. Sonymen qatar kúdikti osy quqyqbuzýshylyqtardy ózi uıymdastyryp, qarjylandyrǵany anyqtalǵan. Ol úshin tabysy tómen adamdardy tartyp, olarǵa aqshalaı syıaqy usyný arqyly aǵash kesý men urlyq jasaýǵa tapsyrma bergen degen kúdik bar.
Almatyda esirtkiniń iri kólemin saýdalaǵandar ustaldy
Budan bólek, Sanjar Bokaev asa iri mólsherde qarjy qarajatyn alaıaqtyq jolmen jymqyrdy degen kúdikke de ilinip otyr.
Nanǵa jasyrylǵan sálemdeme: О́skemende túzeý mekemesine telefondy zańsyz ótkizbek bolǵandar ustaldy
Qylmystyq is boıynsha ózge málimetter QR QPK-niń 201-babyna sáıkes jarııa etilmeıdi.