Izraıl Prezıdenti Memleket basshysyn jalpyulttyq referendýmnyń tabysty ótýimen jáne Qazaqstan Respýblıkasynyń jańa Konstıtýsııasy qabyldanýymen quttyqtady, dep habarlaıdy Egemen.kz Aqordanyń baspasóz qyzmetine silteme jasap.
Áńgimelesý barysynda prezıdentter eki el arasyndaǵy yntymaqtastyqtyń qazirgi jaı-kúıi men keleshektegi damý perspektıvasyn, ásirese, saýda-ekonomıkalyq jáne ınvestısııalyq yqpaldastyqty keńeıtý máselelerin talqylady.
Ishak Gersog Qasym-Jomart Toqaevtyń barlyq memleket uzaqmerzimdi ekonomıkalyq damý josparyn júzege asyrýy úshin beıbitshilik qajet degen pikirimen kelisetinin jetkizdi.
Qazaqstan Prezıdenti halyqaralyq daýly máselelerdiń saıası sheshimin udaıy izdestirý kerek dep sanaıdy.
Izraıl Prezıdenti Qazaqstannyń Ibrahım kelisimderine qosylý týraly sheshimin joǵary baǵalady. Onyń pikirinshe, bul Taıaý Shyǵysta beıbitshilik ornatý máselesine strategııalyq turǵydan qaraýdyń úlgisi bolmaq.
Eske sala keteıik, buǵan deıin Memleket basshysy Saýda jáne ıntegrasııa mınıstri Arman Shaqqalıevti qabyldaǵan edi.